កីឡា

កីឡាករ រ៉ុន សុខជា វិស័យបាល់ទះបានធ្វើឲ្យមហាជនស្គាល់ខ្លួន និងក្រុមគ្រួសារ

បានផុស

២ ខែ មុន

នៅ

ថ្ងៃអង្គារ ២៤ មីនា ២០២៦

ដោយ

រ៉ុន សុខជា កីឡាករឆ្នើមមួយរូបរបស់ស្នងការ ន.ប រាជធានីភ្នំពេញ ថាវិស័យបាល់ទះនេះបានធ្វើឲ្យខ្លួនមានកេរ្តិ៍ឈ្មោះក្នុងសង្គម និងមានមហាជនស្គាល់ច្រើនចំពោះខ្លួនរួមទាំងគ្រួសារ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កីឡាករ រ៉ុន សុខជា

កីឡាករល្អម៉ាត់ផ្ដាច់ រ៉ុន សុខជា ថាពិតជាមិននឹកស្មានចំពោះវាសនាខ្លួនឯងជាមួយកីឡាបាល់ទះនេះ អាចឈានដល់ដូចសព្វថ្ងៃនេះឡើយ។ ការទទួលក្របខ័ណ្ឌ និងកេរ្តិ៍ឈ្មោះក្នុងសង្គមដោយមានអ្នកស្គាល់ច្រើនតាមរយៈការប្រកួតទៅនេះ។ ឯស្រុកកំណើតក៏មានអ្នកស្គាល់ក្រុមគ្រួសារ និងសរសើរនៅមុខម្ដាយថែមទៀតថា មានកូនប្រុសលេងបាល់ និងជាកីឡាករល្បីមួយផងដែរ។

កីឡាករ រ៉ុន សុខជា

ម្ចាស់ពានប្រយុទ្ធឯកតជនឆ្វេងល្អជាងគេនៅពានសម្ដេចក្រឡាហោម ខាងលើនេះបន្ថែមទៀតថា ខ្លួនពិតជាសប្បាយចិត្តចំពោះសមិទ្ធផល នៃការខំប្រឹងប្រែងកន្លងមកនេះ។ រូបគេនៅតែបន្តខំប្រឹងបន្ថែមទៀត ព្រោះមើលឃើញសមត្ថភាពមិនទាន់ជាល្អណាស់ណាទេ។ ការពង្រឹងសមត្ថភាពនោះផ្ដោតលើការ វាយសេវា ម៉ាត់ផ្ដាច់ និងបចេ្ចកទេសមួយចំនួនទៀត ព្រោះបាល់ទះនេះមិនចេះតែលោតវាយៗនោះទេ។

កីឡាករ រ៉ុន សុខជា

បញ្ជាក់ដែរថា រ៉ុន សុខជា ជាកីឡាករកំពុងមានកេរ្តិ៍ឈ្មោះល្បី និងបានជួយក្រុមបាល់ទះស្នងការ ន.ប រាជធានីភ្នំពេញ លើកពានរង្វាន់សម្ដេច ក្រឡាហោម លើកទី៤ ឆ្នាំ២០២៦ នេះ។ រូបគេជាកីឡាករមកពីខេត្តកំពង់ចាម និងជាអ្នកដើរលេងបាល់តាមភូមិប៉ុណ្ណោះ ប៉ុន្តែដោយចិត្តស្រឡាញ់ក៏មកធ្វើតេស្តនៅក្រុមស្នងការ ន.ប រាជធានីភ្នំពេញ ជាប់តាំងពីឆ្នាំ២០២២ រហូតដល់ពេលបច្ចុប្បន្ននេះទៅ៕

អត្ថបទដោយ៖ នួន ស៊ីណា