សេដ្ឋកិច្ច

ឧបនាយករដ្ឋមន្ត្រី សាយ សំអាល់ ឱ្យបង្កើតក្រុមការងារផ្ដល់សេវាសាធារណៈរហ័ស ពន្លឿនការងារធ្វើប្លង់ដី និងប្លង់ផ្ទះ

បានផុស

២ ខែ មុន

នៅ

ថ្ងៃអង្គារ ១២ ឧសភា ២០២៦

ដោយ

លោក សាយ សំអាល់ ឧបនាយករដ្ឋមន្ត្រី រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ បានណែនាំឱ្យមន្ទីរៀបចំដែនដី នគរូបនីយកម្ម និងសំណង់ និងសុរិយោដី រាជធានី-ខេត្ត បង្កើតក្រុមការងារផ្ដល់សេវាសាធារណៈរហ័ស ដើម្បីសម្រួល និងពន្លឿនការចុះបញ្ជីចេញវិញ្ញាបនបត្រសម្គាល់ម្ចាស់អចលនវត្ថុឱ្យស្របតាមការចង់បានរបស់ប្រជាពលរដ្ឋ និងធុរជន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមការងារ ផ្ដល់សេវាសាធារណៈរហ័ស ដឹកនាំដោយមន្ទីរៀបចំដែនដី នគរូបនីយកម្ម និងសំណង់ និងសុរិយោដី ដោយត្រូវចាត់តាំងមន្ត្រីទទួលបន្ទុកផ្នែកទំនាក់ទំនង ២ រូប ដើម្បីធ្វើការទំនាក់ទំនង ប្រគល់ និងទទួលសំណុំឯកសារស្នើសុំសេវាសាធារណៈរហ័សរបស់ប្រជាពលរដ្ឋ និងធុរជន ជាមួយក្រសួងដែនដី ព្រមទាំងអាចផ្ដល់ព័ត៌មានរាល់ចម្ងល់ជូនអ្នកប្រើប្រាស់សេវាបានរហ័ស និងទាន់ពេលវេលា៕