កីឡា

ស្មាត់សី បន្ទាយមានជ័យ គិតថា ៤ក្រុមនេះនឹងឡើងដល់វគ្គពាក់កណ្ដាលផ្ដាច់ព្រ័ត្រ ឬលើកពានតេជោ

បានផុស

២ ខែ មុន

នៅ

ថ្ងៃអង្គារ ១៩ ឧសភា ២០២៦

ដោយ

ស្មាត់បាល់ដេញរបស់ស្នងការ ន.ប ខេត្តបន្ទាយមានជ័យ កីឡាករ រិទ្ធ គង់សារី ឬ ឡាំទីន គិតថាឆ្នាំនេះក្រុមដែលនឹងឡើងទៅវគ្គ ៤ក្រុមគឺមាន វិសាខា បញ្ជាការដ្ឋានអង្គរក្ស សមាគមបាល់ទះក្រសួងមហាផ្ទៃ និងស្នងការ ន.ប ខេត្តស្វាយរៀង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ស្មាត់សី ឬឡាទីន

ស្មាត់សី ឬឡាទីន បានឲ្យដឹងថា បើតាមការស្រឡាញ់ និងមើលឃើញពីការនាំចូលកីឡាករបរទេសនោះគិតថា ៤ក្រុមដែលល្អលេចធ្លោជាងគេនឹងឡើងទៅដល់វគ្គពាក់កណ្ដាលផ្ដាច់ព្រ័ត្ររួមមាន វិសាខា បញ្ជាការដ្ឋានអង្គរក្ស សមាគមបាល់ទះក្រសួងមហាផ្ទៃ និងស្នងការ ន.ប ខេត្តស្វាយរៀង។ ចំពោះក្រុមបញ្ជាការដ្ឋានអង្គរក្សគឺជាម្ចាស់ពានឆ្នាំចាស់ដូចបានដឹងហើយពីសមត្ថភាពលេង និងកីឡាករ។

ស្មាត់សី ឬឡាទីន

ចំណែកក្រុមមហាផ្ទៃ វិញបើទោះជាមិនមានកីឡាករបរទេសមកជួយក្ដី ប៉ុន្តែកីឡាករក្នុងក្លឹបនេះសុទ្ធតែជាជើងខ្លាំងលំដាប់កំពូលហើយនៅកម្ពុជាទៅហើយ។ ក្រុមស្នងការស្វាយរៀង ក៏មិនធម្មតាដែរពិសេសការនាំយកកីឡាករបរទេសមួយចំនួនជួយក្រុមថ្មីៗនេះ។

យ៉ាងណាស្មាត់ពីខេត្តបន្ទាយមានជ័យរូបនេះ នៅតែស្រឡាញ់ក្រុមវិសាខាជាងគេ និងឲ្យភាគរយដល់ទៅ ៨០% ថានឹងអាចឡើងវគ្ដផ្ដាច់ព្រ័ត្រ ឬលើកពានតេជោលីគឆ្នាំនេះទៀតផង។ ការជឿទុកចិត្តបែបនេះដោយសារមើលឃើញពីការនាំយកកីឡាករបរទេសល្អៗដូចជាដៃប៉ះសេហ្វីលីពីន និងកីឡាករបាល់ដេញមកពីឥណ្ឌាជាដើម។ កីឡាករបាល់ដេញមានកម្ពស់របស់វិសាខាដែលនាំយកមកនេះគឺលោកគិតថាល្អដាច់គេហើយនៅកម្ពុជានោះ។ ប៉ុន្តែទាំងនេះគឺជាការយល់ឃើញ ឬទស្សន៍ទាយរបស់ខ្លួនប៉ុណ្ណោះមិនប្រាកដថាជាក់ស្ដែងដូចអ្វីដែលលើកឡើងនោះឡើយ។

សមាគមបាល់ទះវិសាខា

រំលឹកឡើងវិញថា សហព័ន្ធកីឡាបាល់ទះកម្ពុជានៅពេលនេះកំពុងដំណើរការប្រកួតជុំទី១ ពានរង្វាន់តេជោលីគ ឆ្នាំ២០២៦ ដោយមាន ៨ក្រុមធំៗចូលរួម។ ៨ក្រុមនោះរួមមាន ក្លឹបបាល់ទះបញ្ជាការដ្ឋានអង្គរក្ស សមាគមកីឡាបាល់ទះវិសាខា សមាគមបាល់ទះក្រសួងមហាផ្ទៃ ក្លឹបបាល់ទះស្នងការដ្ឋាន ន.ប ខេត្តស្វាយរៀង ក្លឹបបាល់ទះស្នងការដ្ឋាន ន.ប រាជធានីភ្នំពេញ ក្លឹបបាល់ទះកងពលធំអន្តរាគមន៍លេខ៣ ក្លឹបបាល់ទះស្នងការដ្ឋាន ន.ប ខេត្តកោះកុង ក្លឹបបាល់ទះស្នងការដ្ឋាន ន.ប ខេត្តព្រះសីហនុ។ ការប្រកួតនេះដំណើរការចាប់ពីថ្ងៃទី១៦ ឧសភា ដល់ ៥ កញ្ញា ២០២៦ នៅរាជធានីភ្នំពេញ៕