Mélia រំលេចសម្រស់ស្ត្រីខ្មែរក្នុងឈុតស្បៃនៅប្រាសាទបាយ័ន ទាក់ទាញការចាប់អារម្មណ៍

តារាម៉ូដែលកូនកាត់ Mélia Constantin បានធ្វើឱ្យអ្នកគាំទ្រជាច្រើនកោតសរសើរ ក្រោយពីបានចែករំលែករូបភាពថ្មីៗរបស់ខ្លួន នៅលើបណ្តាញទំនាក់ទំនងសង្គមហ្វេសប៊ុក ជាមួយសម្រស់ស្រស់សោភា ក្នុងឈុតស្បៃបុរាណខ្មែរ ជាមួយផ្ទៃខាងក្រោយដ៏អស្ចារ្យនៃប្រាសាទបាយ័ន។

ភ្ជាប់ជាមួយរូបភាពដ៏ប្រណិតនោះ តារាម៉ូដែលកូនកាត់រូបនេះ បានបង្ហាញពីភាពស្រស់ស្អាតនៃស្ត្រីខ្មែរ សិល្បៈបុរាណ និងមរតកវប្បធម៌ដ៏ល្បីល្បាញរបស់កម្ពុជា។

ភ្លាមៗបន្ទាប់ពីការបង្ហោះ រូបភាពទាំងនេះបានទាក់ទាញការចាប់អារម្មណ៍ពីអ្នកគាំទ្រជាច្រើន ដោយមានការចែករំលែក និងបញ្ចេញមតិសរសើរពីសម្រស់របស់ Mélia Constantin ក៏ដូចជាការលើកស្ទួយវប្បធម៌ខ្មែរ តាមរយៈការស្លៀកពាក់ឈុតប្រពៃណី និងការជ្រើសរើសប្រាសាទបាយ័នជាទីតាំងថតរូប ដែលរួមចំណែកផ្សព្វផ្សាយភាពអស្ចារ្យនៃបេតិកភណ្ឌជាតិទៅកាន់ទស្សនិកជនទាំងក្នុង និងក្រៅប្រទេស។

បើតាមការបញ្ជាក់ ការថតរូបលើកនេះ ឈុតសម្លៀកបំពាក់ត្រូវបានរៀបចំដោយ Soy Wedding Planner ។ ឯការតុបតែងមុខ និងម៉ូដសក់ ដោយ Soy Salon ខណៈគំនិតច្នៃប្រឌិត និងការថតរូបត្រូវបានសម្របសម្រួលដោយ V Gallery Official ដែលបានបង្កើតស្នាដៃថតរូបប្រកបដោយភាពទន់ភ្លន់ ស្រស់ស្អាត និងបង្ហាញពីអត្តសញ្ញាណខ្មែរយ៉ាងលេចធ្លោ៕