ព័ត៌មានជាតិ

សមាជិកក្រុមប្រឹក្សាឃុំវិហារធំ ស្រុកកំពង់សៀមម្នាក់ វិជ្ជមានកូវីដ-១៩

បានផុស

៥ years មុន

នៅ

ថ្ងៃអង្គារ ២៥ ឧសភា ២០២១

ដោយ

ក្រោយពីមានកម្មករកម្មការនីរោងចក្រ មេតថេក ក្នុងស្រុកកំពង់សៀម រកឃើញវិជ្ជមានកូវីដ-១៩ជាបន្តបន្ទាប់នោះ រដ្ឋបាលស្រុកកំពង់សៀម បានចុះស្រាវជ្រាវបងប្អូនពលរដ្ឋដែលមានការប៉ះពាល់ផ្ទាល់និងប្រយោលជាមួយអ្នកដែលវិជ្ជមាន បម្រើការនៅរោងចក្រមួយនេះ។

ជាក់ស្ដែងសមាជិកក្រុមប្រឹក្សាឃុំវិហារធំម្នាក់លោក ថេន ថុល មានវិជ្ជមានកូវីដ-១៩ ដែលមានការប៉ះពាល់ជាមួយកូនដែលជាកម្មករកម្មការនីដែលបានធ្វើតេស្តយកសំណាក់ពិនិត្យឃើញមានវិជ្ជមានកូវីដ-១៩ផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រោយពីមានតេស្តពិនិត្យរកវីរុសកូវីដ-១៩លើសមាជិកក្រុមប្រឹក្សាម្នាក់នោះមក លោក ប៊ិន ឡាដា អភិបាលស្រុកកំពង់សៀម បានឲ្យមន្ត្រីក្នុងសាលាឃុំវិហារធំទាំងអស់យកសំណាក់ដោយចេញលទ្ធផលគឺអវិជ្ជមានទាំងអស់ បន្ទាប់ក្រុមការងារពេទ្យចុះបាញ់ថ្នាំសម្លាប់មេរោគក្នុងសាលាឃុំទាំងមូល និងបានបិទខ្ទប់ឃុំសាលាឃុំវិហារធំមួយរយៈសិន។ ដោយឡែកមេឃុំ និងមន្ត្រីក្នុងសាលាឃុំទាំងអស់ត្រូវធ្វើចត្តាឡីស័កតាមដានសុខភាពខ្លួនឯង នៅតាមផ្ទះរៀងៗខ្លួនដើម្បីបញ្ជៀសការឆ្លងរីករាលដាលបន្ថែមទៀត។

សូមជម្រាបថា ចំពោះការងាររដ្ឋបាល និងការផ្តល់សេវាសាធារណៈ បងប្អូនប្រជាពលរដ្ឋអាចមកផ្ទះលោកមេឃុំ ដែលបានជូនដំណឹងនិងធ្វើការបម្រើសេវាដោយមានប្រុងប្រយ័ត្ន និងអនុវត្តវិធានសុខាភិបាលផងដែរ៕

អត្ថបទ ៖ ហុង ម៉េងហៀ

Related Topics:ខេត្តកំពង់ចាម