ព័ត៌មានអន្ដរជាតិ
ថៃចាប់ផ្តើមបារម្ភពីវីរុសកូនកាត់ដែលរកឃើញនៅវៀតណាម
វីរុសកូវីដ-១៩បំប្លែងខ្លួនថ្មីដែលជាប្រភេទកូនកាត់ចូលគ្នារវាងវីរុសបំប្លែងខ្លួនឥណ្ឌា និងអង់គ្លេសដែលបានរកឃើញនៅប្រទេសវៀតណាមថ្មីៗនេះបានធ្វើឲ្យអ្នកជំនាញថៃព្រមាន និងសម្តែងការព្រួយបារម្ភពីលទ្ធភាពដែលវាចូលដល់ប្រទេសថៃ។
លោក Wasun Chantratita ប្រធានមជ្ឈមណ្ឌលវេជ្ជសាស្ត្ររោគឆ្លងនៅមន្ទីរពេទ្យ Ramathibodi Hospital នៃសាកលវិទ្យាល័យ Mahidol University បាននិយាយថា វីរុសបំប្លែងខ្លួនកូនកាត់អាចលេចមុខនៅប្រទេសថៃ ជាពិសេសកម្មករនៅការដ្ឋានសំណង់ ខណៈវីរុសបំប្លែងខ្លួនពីរប្រភេទកន្លងមករកឃើញនៅការដ្ឋានសំណង់។
ទោះជាយ៉ាងណា លោកវេជ្ជបណ្ឌិត Wasun បានបន្ថែមថា ការសិក្សាបន្ថែមទៀតត្រូវបានធ្វើមុនសេចក្តីសន្និដ្ឋានជាក់លាក់ណាមួយត្រូវបានធ្វើឡើង។
អ្នកឯកទេសជំងឺឆ្លងបានធ្វើការអត្ថាធិប្បាយបែបនេះ បន្ទាប់ពីក្រសួងសុខាភិបាលវៀតណាមបានប្រកាសថា វៀតណាមបានរកឃើញវីរុសបំប្លែងខ្លួនកូនកាត់ថ្មីនេះដែលគ្រោះថ្នាក់ខ្លាំង។
មន្ត្រីសុខាភិបាលវៀតណាមបាននិយាយថា ការធ្វើតេស្តនៅមន្ទីរពិសោធបានបង្ហាញពីវីរុសកូនកាត់នេះដែលអាចមានលទ្ធភាពឆ្លងខ្លាំងតាមរយៈខ្យល់អាកាសជាងវីរុសផ្សេងៗទៀត។
ទោះបីជាយ៉ាងណា ព័ត៌មាននៃវីរុសកូនកាត់ណាមួយនៅប្រទេសថៃមិនទាន់មានលេចឡើងទេ។
លោកវេជ្ជបណ្ឌិត Wasun បន្តថា ហ្សែនរបស់វីរុសកូនកាត់នេះត្រូវការដាក់លេខកូដដើម្បីអាចសិក្សាស្វែងយល់បន្ថែមទៀតអំពីចរឹតលក្ខណៈរបស់វា។
លោកបន្ថែមថា វាអាចត្រូវបានសន្មត់ថា វីរុសកូនកាត់នឹងមានការផ្លាស់ប្តូរនៅពេលមានទំហំ N501Y ដូចវីរុសបំប្លែងខ្លួន Kent ដែលកំពុងកើនឡើងនូវសមត្ថភាពរបស់ខ្លួនសម្រាប់ការឆ្លងកាន់តែខ្ពស់ដែលមានន័យថា វាអាចចូលទៅក្នុងកោសិកាមនុស្សកាន់តែស្រួល។ ការកើនឡើងនៃ L452R របស់វីរុសបំប្លែងខ្លួនឥណ្ឌាបានធ្វើឲ្យវីរុសនេះអាចគេចផុតពីប្រព័ន្ធភាពស៊ាំការពាររបស់មនុស្ស។
លោកថា ៖«បើទោះជាវីរុសកូនកាត់លេចមុខឡើង វាជាការលាយចូលគ្នារវាងវីរុសអង់គ្លេស និងឥណ្ឌា ដែលបច្ចុប្បន្ននេះវ៉ាក់សាំងនៅតែមានប្រសិទ្ធភាពការពារបាន។ មិនដូចវីរុសអាហ្វ្រិកទេ វីរុសបំប្លែងខ្លួនឥណ្ឌា និងអង់គ្លេសអត់កាត់បន្ថយប្រសិទ្ធភាពវ៉ាក់សាំងឡើយ»៕
ប្រែសម្រួល៖ វីរបុត្រ
ប្រភព៖ bangkokpost
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ