សុខភាព
មនុស្ស៣ប្រភេទ រកឃើញឆ្លងកូវីដច្រើនជាងគេ ទោះចាក់វ៉ាក់សាំងហើយក៏ដោយ
ការសិក្សាថ្មីមួយបានរកឃើញថា យុវជន បុគ្គលិកសុខាភិបាលនិងជនមិនមែនស្បែកស គឺស្ថិតក្នុងចំណោមអ្នកដែលធ្វើតេស្តវិជ្ជមាន ចំពោះជំងឺកូវីដ-១៩ ច្រើនជាងគេបំផុត បន្ទាប់ពីចាក់វ៉ាក់សាំងហើយ។
ការស្រាវជ្រាវដោយការិយាល័យស្ថិតិជាតិអង់គ្លេស (ONS) បានរកឃើញថា ឱកាសនៃការឆ្លងមេរោគនេះបន្ទាប់ពីចាក់វ៉ាក់សាំងហើយ បានធ្លាក់ចុះយ៉ាងខ្លាំង ក្នុងរយៈពេល២១ថ្ងៃ ក្រោយចាក់ដូសទី១។
មានតែ០,៥ភាគរយប៉ុណ្ណោះ នៃប្រជាជនចាក់វ៉ាក់សាំងដូសទី១ហើយ ដែលបានធ្វើតេស្តវិជ្ជមានជំងឺកូវីដ-១៩។ បន្ទាប់ពីចាក់ពីរដូស ចំនួននេះបានធ្លាក់ចុះមកនៅត្រឹម ០,០៧ភាគរយ។
ចំពោះអ្នកដែលបានធ្វើតេស្តវិជ្ជមានបន្ទាប់ពីចាក់វ៉ាក់សាំងហើយ ការសិក្សាបានរកឃើញថា ពួកគេហាក់ដូចជាមិនសូវមានផ្ទុកវីរុសខ្ពស់ ឬវិវត្តទៅជារោគសញ្ញានោះទេ។
មនុស្សអាយុ២០ឆ្នាំ ហាក់ដូចជាឆ្លងជំងឺកូវីដ ខ្លាំងជាងមនុស្សអាយុ៨០ឆ្នាំរហូតដល់ទៅទ្វេដងឯណោះ បន្ទាប់ពីចាក់វ៉ាក់សាំងរួច។
ស្របពេលជាមួយគ្នានោះដែរ ONS បានរកឃើញថា ចំពោះកត្តាភេទ គេមិនឃើញមានអ្វីប្លែកខ្លាំងគួរឲ្យកត់សម្គាល់នោះទេ ពោលគឺមានភាពខុសគ្នាត្រឹម ០,០៣ភាគរយប៉ុណ្ណោះ រវាងភេទប្រុសនិងភេទស្រី។
លោក Kevin McConway សាស្រ្តាចារ្យផ្នែកស្ថិតិ នៃសកលវិទ្យាល័យ Open បាននិយាយថា “នៅក្នុងការវិភាគលក្ខណៈរបស់មនុស្សដែលបានធ្វើតេស្តវិជ្ជមានបន្ទាប់ពីចាក់វ៉ាក់សាំង ក្រុមដែលងាយនឹងឆ្លងបន្ទាប់ពីទទួលថ្នាំបង្ការ ភាគច្រើនគឺទាក់ទងទៅនឹងក្រុម៣ប្រភេទខាងលើ ហើយការសិក្សាលើអ្នកមិនទាន់ចាក់វ៉ាក់សាំង ក៏គេរកឃើញទៅលើក្រុមដូចគ្នានេះដែរ”៕
ប្រែសម្រួល៖ Vann Vann
ប្រភព៖ Yahoo
-
ជីវិតកម្សាន្ដ២ ថ្ងៃ ago
អាយដល G-Devith ក៏ឈ្នះរង្វាន់ដែរ ឈ្នះ ១លានរៀល ពី វឌ្ឍនៈ ឡាហ្គឺរ៉េដ
-
ជីវិតកម្សាន្ដ៥ ថ្ងៃ ago
ពេជ្រ ចរណៃ រក្សាបានរាង និងសម្រស់ស្អាត មិនចាញ់តារាបរទេស
-
ព័ត៌មានជាតិ២ ថ្ងៃ ago
ស្គាល់អត្តសញ្ញាណយោធិន១៥រូប ចំណោមអ្នកស្លាប់២០រូប ក្នុងហេតុការណ៍ផ្ទុះឃ្លាំងគ្រាប់នៅកំពង់ស្ពឺ
-
ព័ត៌មានជាតិ១ សប្តាហ៍ ago
គេហទំព័រ Weather៖ សប្តាហ៍នេះ កម្ពុជា នឹងក្តៅខ្លាំង ឈានដល់កម្រិតគ្រោះថ្នាក់ ៤០អង្សាសេ
-
ព័ត៌មានជាតិ៦ ថ្ងៃ ago
កម្ពុជានឹងធ្លាក់ភ្លៀង ៤០% នាដើមរដូវវស្សាឆ្នាំនេះ ខណៈក្រសួងប្រកាសឱ្យប្រុងប្រយ័ត្នបាតុភូត ផ្គរ រន្ទះ និងខ្យល់កន្ត្រាក់
-
ព័ត៌មានជាតិ២ ថ្ងៃ ago
សម្ដេចធិបតី ឧបត្ថម្ភជូនគ្រួសារយោធិនដែលស្លាប់មួយគ្រួសារ៨០លានរៀល ឯអ្នករងរបួស២០លានរៀល
-
ព័ត៌មានជាតិ៧ ថ្ងៃ ago
តុលាការ បញ្ជាឱ្យចាប់ខ្លួនជនត្រូវចោទ ចោម ខ្វាន់ ពីបទរំលោភលើទំនុកចិត្តអ្នកដទៃ
-
សេចក្ដីជូនដំណឹង៦ ថ្ងៃ ago
អ្នកឧកញ៉ា ឡេង ណាវ៉ាត្រា បញ្ជាក់ច្បាស់ៗការដោះដូរ ផ្ទះយកដី គឺសម្រាប់តែអតិថិជនស្ម័គ្រចិត្ត ដែលពួកគាត់មានតម្រូវការចាំបាច់ចំណែកគម្រោង បុរី នៅតែប្រកាន់គោលជំហរបញ្ចប់ការដោះស្រាយជូនអតិថិជនទាំងស្រុងដដែល