ព័ត៌មានជាតិ

ឃាត់ខ្លួនជនសង្ស័យម្នាក់ រំលោភក្មេងស្រីអាយុ១៣ឆ្នាំ បានសម្រេច១២លើក

បានផុស

៥ years មុន

នៅ

ថ្ងៃព្រហស្បតិ៍ ១៩ វិច្ឆិកា ២០២០

ដោយ

សៀមរាប ៖ កម្លាំងនគរបាលស្រុកអង្គរធំ បានឃាត់ខ្លួនជនសង្ស័យម្នាក់ ករណីល្បួងរំលោភក្មេងស្រីអាយុក្រោម១៥ឆ្នាំបានសម្រេច១២លើក ហើយអស់រយៈពេល២ឆ្នាំ ទើបបែកការ ដល់គ្រួសារជនរងគ្រោះប្តឹងឲ្យសមត្ថកិច្ចចាប់ខ្លួនតែម្តង។

លោកវរសេនីយ៍ឯក ឆាយ ហាក់ឡុង អធិការនគរបាលស្រុកអង្គរធំ បានឲ្យដឹងថា កម្លាំងនគរបាលជំនាញនៃស្រុកអង្គរធំ បានឃាត់ខ្លួនជនសង្ស័យម្នាក់ ឈ្មោះ នី នាត ហៅ ណយ ភេទប្រុស អាយុ១៩ឆ្នាំ រស់នៅភូមិជប់សោម ឃុំពាក់ស្នែង ស្រុកអង្គរធំ ខេត្តសៀមរាប ពីបទរំលោភសេពសន្ថវៈ លើអនីតិជនអាយុក្រោម១៥ឆ្នាំ។

លោកបន្តថា ករណីនេះបានកើតឡើងនៅអំឡុងឆ្នាំ២០១៨ ដល់ឆ្នាំ២០២០ នៅភូមិជប់សោម ឃុំពាក់ស្នែង ស្រុកអង្គរធំ ខេត្តសៀមរាប ទៅលើជនរងគ្រោះឈ្មោះ ជ.ច ភេទស្រី អាយុ១៣ឆ្នាំនៅឃុំពាក់ស្នែង ស្រុកអង្គរធំ។

លោកអធិការបានបន្តទៀតថា ជនសង្ស័យបានធ្វើសកម្មភាពចាប់រំលោភជនរងគ្រោះចំនួន ១២លើក នៅលើផ្ទះចំនួន ០៤លើក និងនៅក្នុងព្រៃក្រោយផ្ទះចំនួន ០៨លើក។ លោកបន្ថែមថា ក្រោយទទួលបានពាក្យបណ្ដឹងនៅថ្ងៃទី០៩ ខែវិច្ឆិកា ឆ្នាំ២០២០ លោក កើត វណ្ណរ៉េត ព្រះរាជអាជ្ញាអមសាលាដំបូងខេត្តសៀមរាប បានការអនុញ្ញាតឲ្យនគរបាលជំនាញបើកការស៊ើបអង្កេតបឋម។ រហូតដល់ថ្ងៃទី ១៨ ខែវិច្ឆិកា ឆ្នាំ២០២០ សមត្ថកិច្ចកំណត់បានមុខសញ្ញាជនសង្ស័យ និងនាំខ្លួនជនសង្ស័យមកធ្វើការសាកសួរ។

នៅចំពោះសមត្ថកិច្ច ជនសង្ស័យបានសារភាពថា ពិតជាបានប្រព្រឹត្តដូចពាក្យបណ្ដឹងខាងលើពិតប្រាកដមែន។ បច្ចុប្បន្នជនសង្ស័យត្រូវបានសមត្ថកិច្ចធ្វើការឃាត់ខ្លួន និងកសាងសំណុំរឿង បញ្ជូនទៅសាលាដំបូងខេត្ត ដើម្បីអនុវត្តតាមតាមនីតិវិធីច្បាប់បន្តនៅថ្ងៃទី១៩ ខែវិច្ឆិកា ឆ្នាំ២០២០នេះ៕
ដោយ ៖ កុសល

Related Topics: