ដោះស្រាយយ៉ាងណាមិនឱ្យកុំព្យូទ័រខូច ពេលទឹកកំពប់ចូល?

តើមានវិធីអ្វីអាចជួយដោះស្រាយបាន ប្រសិនទឹកកំពប់ចូលកុំព្យូទ័រ?

ពេលកុំព្យទ័រចូលទឹកភ្លាម ទោះបីមិនរលត់ហើយនៅអាចប្រើប្រាស់បានក៏ដោយ វិធីល្អបំផុតគឺ ដកភ្លើងចេញ និងបិទម៉ាស៊ីន ចៀសវាងការឆ្លងចរន្តបណ្ដាលឱ្យវាខូច។​ បិទម៉ាស៊ីនរួច ត្រូវជូតទឹកខាងក្រៅឱ្យស្ងូត សឹមរើសយកវិធីជួសជុល២ខាងក្រោម៖

១. ជួសជុលនៅហាង

នេះជាវិធីល្អបំផុតហើយ ប្រសិនបើអ្នកមិនចេះដោះដូរកុំព្យូទ័រដោយខ្លួនឯងនោះទេ។ យកវាទៅហាងជួសជុលកុំព្យូទ័រ ឬទៅកាន់ហាងដែលអ្នកបានទិញ ប្រសិនបើនៅមានការធានា ព្រោះអាចកាត់បន្ថយការចំណាយទៅលើការជួសជុល។

២. ជួសជុលខ្លួនឯង

ប្រសិនមានឧបករណ៍គ្រប់គ្រាន់ ហើយចេះតិចនិកដោះនិងដាក់វិញ ការជួសជុលខ្លួនឯងនឹងអាចជួយសន្សំសំចៃប្រាក់ចំណាយ។ ដោះគ្រឿងចេញទាំងអស់ រួចប្រើសំឡីផ្តិត ឬជូតយកទឹកចេញពីគ្រឿងទាំងអស់នៃកុំព្យូទ័រ។ ក្រោយពីជូតរួចរាល់ យកវាទៅដាក់ហាលថ្ងៃ ដើម្បីឱ្យច្បាស់ថាវាគ្មានជាប់សំណើមទៀតទេ៕

ប្រែសម្រួល៖ សន្យា

ប្រភព៖ wikiHow

ចុចអាន៖ បញ្ឈប់ទម្លាប់​មិនល្អ ៣ យ៉ាងនេះ ​ថ្មទូរសព្ទនឹងប្រើបានយូរ

ចុចអាន៖ ប្រើ Laptop ឱ្យជាប់បានយូរ មិនគួររំលងបច្ចេកទេស ១០ យ៉ាងនេះ