ជីវិតកម្សាន្ដ

ស្ងាត់ពីសិល្បៈក្នុងដំណាក់កាលកូវីដ ជុំ លីណូ ងាកមកចាប់មុខជំនួញទាំងនេះវិញ

បានផុស

៥ years មុន

នៅ

ថ្ងៃព្រហស្បតិ៍ ២៩ កក្កដា ២០២១

ដោយ

ភ្នំពេញ ៖ តាមការកត់សម្គាល់អំឡុងពេលដែលជំងឺកូវីដ-១៩បាននឹងកំពុងរាតត្បាតមានរយៈពេលប្រមាណ២ឆ្នាំ គេសង្កេតឃើញមានអ្នកសិល្បៈជាច្រើនបានបាត់បង់ប្រាក់ចំណូលស្ទើរតែទាំងស្រុងពីការច្រៀងសម្ដែងនិងថតភាពយន្ដជាដើម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយសារតែកត្តានៃបញ្ហាផ្ទុះជំងឺកូវីដ-១៩នេះហើយ ទើបធ្វើឲ្យតារាខ្មែរមួយចំនួនងាកមកបន្ថែមអាជីពថ្មី ដើម្បីទប់ទល់កុំឲ្យប្រឈមជួបវិបត្តិសេដ្ឋកិច្ច។ជាក់ស្តែងគេកត់សម្គាល់ឃើញតារាចម្រៀង-សម្តែងស្រីជាច្រើននៅឆ្នាំ២០២១នេះបានបន្ថែមមុខរបរថ្មីក្រៅពីអាជីពសិល្បៈ។

ដោយឡែកបើក្រឡេកទៅមើលតារាចម្រៀងលោក ជុំ លីណូ ស្របពេលដែលអាជីពសិល្បៈសព្វថ្ងៃហាក់ស្ងប់ស្ងាត់តាមឆាកតន្ត្រីបន្តិចក្តីតែតារាប្រុសរូបនេះ បានប្រែក្លាយខ្លួនមកចាប់យកមុខរបរថ្មីដែលកំពុងមាននៅក្នុងដៃស្រាប់និងទទួលបានការគាំទ្រពីមហាជន។

បើតាមការបង្ហើបពីលោក ជុំ លីណូ បានឲ្យដឹងថា មុខរបរបន្ថែមបច្ចុប្បន្នរបស់លោកគឺរកស៊ីលើវិស័យអចលនទ្រព្យ ទិញលក់រថយន្តនិងផលិតផលប្រេងសណ្តែកផ្កាយជាដើម។ គេសង្កេតឃើញក្រៅតែទទួលបានការគាំទ្រពីអតិថិជនជាច្រើននោះលោក ជុំ លីណូ ក៏បានផ្តល់ទំនុកចិត្តខ្ពស់លើសេវាកម្មទាំងនេះផងដែរ។

សូមបញ្ជាក់ដែរថា ថ្វីត្បិតតែបច្ចុប្បន្នកំពុងជួបបញ្ហានៃវិ បត្តិកូវីដ-១៩ដែលធ្វើឲ្យបណ្តាអ្នកសិល្បៈមួយ ចំនួនត្រូវផ្អាក ឬ ពន្យារពេលយ៉ាងណាក្តីតែសម្រាប់តារាចម្រៀងលោក ជុំ លីណូ នៅតែរក្សាបានទីផ្សារគាំទ្រខ្ពស់ដដែល៕

ដោយ ៖ ចាន់រ៉ា