ព័ត៌មានអន្ដរជាតិ

អាល្លឺម៉ង់នឹងធ្វើសមយុទ្ធជាមួយបារាំង ដើម្បីពង្រឹងកិច្ចសហប្រតិបត្តិការ ការពារជាតិអឺរ៉ុប

បានផុស

៥៩ នាទី មុន

នៅ

ថ្ងៃអាទិត្យ ១៩ កក្កដា ២០២៦

ដោយ

ខណៈស្ថានភាពពិភពលោក កាន់តែពិបាកស្មាន ដោយសារតែជម្លោះភូមិសាស្រ្តនយោបាយ និងប្រដាប់អាវុធជាបន្តបន្ទាប់ មេដឹកនាំបារាំងនិងអាល្លឺម៉ង់បានប្តេជ្ញាចិត្ត ចំពោះកិច្ចសហប្រតិបត្តិការការពារជាតិកាន់តែស៊ីជម្រៅ រួមទាំងការទប់ស្កាត់នុយក្លេអ៊ែរ ខណៈប្រទេសទាំងពីរបានស្វែងរកដំណោះស្រាយ ដែលធ្លាប់ទាស់ទែងគ្នា លើគម្រោងយន្តហោះចម្បាំងរួមគ្នាដ៏សំខាន់មួយកាលពីដើមឆ្នាំនេះ។

ថ្លែងជាមួយប្រធានាធិបតីបារាំង លោក Emmanuel Macron ក្នុងសន្និសីទសារព័ត៌មានមួយ បន្ទាប់ពីកិច្ចប្រជុំរួមគ្នារបស់រដ្ឋាភិបាលទាំងពីរ អធិការបតីអាល្លឺម៉ង់ លោក Friedrich Merz និយាយថា នៅឆ្នាំនេះនឹងឃើញកងទ័ពអាល្លឺម៉ង់ចូលរួមសមយុទ្ធនុយក្លេអ៊ែរជាមួយយោធាបារាំង។ នេះបើយោងតាមការចុះផ្សាយរបស់សារព័ត៌មាន France 24 នៅថ្ងៃទី១៨ ខែកក្កដា ឆ្នាំ២០២៦ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកមានប្រសាសន៍ថា៖ « នេះគឺជាការបំពេញបន្ថែមដល់ការចូលរួម និងការទប់ស្កាត់នុយក្លេអ៊ែររបស់យើងនៅក្នុងអង្គការណាតូ ដែលយើងនៅតែប្រកាន់ខ្ជាប់»។

យ៉ាងណា លោក Macron ធ្លាប់បានលើកឡើងកាលពីដើមឆ្នាំនេះថា អាល្លឺម៉ង់គឺជាប្រទេសមួយក្នុងចំណោមប្រទេសចំនួន៨ ដែលបានយល់ព្រមចូលរួមក្នុងគម្រោងទប់ស្កាត់នុយក្លេអ៊ែរដឹកនាំដោយបារាំង។

លោកបានសង្កត់ធ្ងន់ថា បារាំង ជាប្រទេសមួយក្នុងចំណោមប្រទេសមហាអំណាចនុយក្លេអ៊ែរពីររបស់អឺរ៉ុបខាងលិច រួមជាមួយចក្រភពអង់គ្លេស ព្រមទាំងរក្សាការគ្រប់គ្រងយ៉ាងតឹងរ៉ឹងលើការសម្រេចចិត្ត ចំពោះនុយក្លេអ៊ែរ។

គួរបញ្ជាក់ថា ការពិភាក្សាអំពីអនាគតនៃកិច្ចសហប្រតិបត្តិការការពារជាតិរបស់ប្រទេសទាំងពីរបានកើតឡើង បន្ទាប់ពីការដួលរលំនៃគម្រោងយន្តហោះចម្បាំងរួមគ្នាដ៏សំខាន់មួយកាលពីដើមឆ្នាំនេះ៕

សម្រួល៖ ណឺ មិនា