ព័ត៌មានជាតិ

ក្រុមគ្រូពេទ្យចុះយកសំណាកអាជីវករផ្សារចាស់ជាលើកទី២

បានផុស

៥ years មុន

នៅ

ថ្ងៃចន្ទ ៣០ សីហា ២០២១

ដោយ

ប្រជាពលរដ្ឋរួមជាមួយអាជីវករផ្សារចាស់ចំនួន២០នាក់ ត្រូវបានគ្រូពេទ្យចុះមកយកសំណាកជាលើកទី២នៅបរិវេណខាងលិចផ្សារចាស់ ផ្លូវលេខ១៥កែងផ្លូវលេខ១០៨ ក្នុងសង្កាត់វត្តភ្នំ ខណ្ឌដូនពេញ កាលពីព្រឹកថ្ងៃទី៣០ ខែសីហា ឆ្នាំ២០២១នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅព្រឹកនោះដែរ អាជ្ញាធរមូលដ្ឋានជាពិសេសលោកសុខពេញវុធអភិបាលនៃគណៈអភិបាលខណ្ឌបានចាត់ឲ្យលោកអភិបាលរងដឹកនាំកម្លាំងចុះរៀបចំកន្លែងដើម្បីឲ្យគ្រូពេទ្យងាយស្រួលយកសំណាកលើបងប្អូនប្រជាពលរដ្ឋរស់នៅជាប់នឹងផ្សារចាស់ ប៉ែកខាងជ្រុងខាងត្បូង រួមទាំងអាជីវករដែលមានការសង្ស័យដែលត្រូវយកសំណាកជាលើកទី២នោះមានចំនួន២០នាក់ក្នុងនោះប្រុស២នាក់ គឺអវិជ្ជមានទាំងអស់គ្នា។

គួរបញ្ជាក់ថា កាលពីល្ងាចថ្ងៃទី២២ ខែសីហា ឆ្នាំ២០២១ ក្រុមគ្រូពេទ្យបានចុះយកសំណាកលើកទី១ លើបងប្អូនប្រជាពលរដ្ឋរស់នៅជិតខាង និងអាជីវករដែលលក់ដូរត្រង់ផ្សារបន្លែត្រីសាច់ប៉ែកខាងលិចផ្សារចាស់ចំនួន២៤នាក់ គឺអវិជ្ជមានទាំងអស់។ លុះដល់ព្រឹកថ្ងៃទី៣០ ខែសីហា ឆ្នាំ២០២១នេះ គ្រូពេទ្យបានចុះមកយកសំណាកលើកទី២ចំនួន២០នាក់ទៀត គឺអវិជ្ជមានទាំងអស់ទៀត។

ពាក់ព័ន្ធនឹងការចុះយកសំណាក២លើកមកនេះ គឺដោយសារមានអ្នកជំងឺកូវីដ១៩ បំប្លែងថ្មី Delta បានទៅផ្សារចាស់ប៉ះពាល់ផ្នែកខាងលិចផ្សារ និងបានទៅពិសានំបញ្ចុកស្រុះ នៅថ្ងៃទី១៤ ខែសីហា ឆ្នាំ២០២១ វេលាម៉ោង១៤និង០០ល្ងាច៕

អត្ថបទ៖ រស្មី