ទឹកភ្លៀងជន់លិច អាជ្ញាធរ​បិទ​ចរាចរណ៍​ផ្លូវជា​ច្រើនខ្សែនៅក្រុង​តាខ្មៅ

មន្ទីរសាធារណការនិង​ដឹកជញ្ជូន​ខេត្ត​កណ្តាល បាន​ចេញ​សេចក្តីជូនដំណឹងស្តីពីការបិទចរាចររថយន្តដឹក​ទំនិញ​ធុនធ្ងន់នៅលើកំណាត់ផ្លូវ​ជាច្រើន​ខ្សែ​នៅ​ក្រុង​តាខ្មៅ​ជាបណ្តោះអាសន្ន ចាប់ពីថ្ងៃទី ០៧ ដល់ ១៥ ខែកញ្ញា ឆ្នាំ​២០២១​។

ដោយសារ​ស្ថានភាពជំនន់ទឹកភ្លៀង ដែលកំពុងជន់លិចផ្លូវមួយចំនួនក្នុងក្រុងតាខ្មៅ និងដើម្បីចៀសវាងការខូចខាតដល់ផ្លូវថ្នល់ មន្ទីរសាធារណការ និងដឹកជញ្ជូនខេត្តកណ្តាល បាន​ប្រកាស​ធ្វើការបិទចរាចររថយន្តដឹកទំនិញធុនធ្ងន់ទាំងអស់ នៅលើកំណាត់ផ្លូវលេខ ២០១, ២០៩, ១០៨, ១០៩, ១១០ និងកំណាត់ផ្លូវជាតិលេខ២១ ចាប់ពីរង្វង់មូលលោកតាខ្មៅ ដល់ផ្លូវជាតិលេខ ២១បេ (១១៥) ស្ថិតក្នុងក្រុងតាខ្មៅ ខេត្តកណ្តាល​ ជាបណ្តោះអាសន្នចាប់ពី ថ្ងៃទី ១៧ ដល់ថ្ងៃទី ១៥ ខែកញ្ញា ឆ្នាំ២០២១។ ដោយឡែកចំពោះរថយន្តគ្រួសារ (ទេសចរណ៍) អាចធ្វើចរាចរណ៍បានជាធម្មតា៕