ព័ត៌មានជាតិ

ក្រសួងអប់រំនៅតែរក្សាការប្រឡងបាក់ឌុបនៅថ្ងៃទី២១ធ្នូដដែល

បានផុស

៦ years មុន

នៅ

ថ្ងៃចន្ទ ៣០ វិច្ឆិកា ២០២០

ដោយ

ភ្នំពេញ ៖ ក្រសួងអប់រំយុវជននិងកីឡា មិនបានលើកពេលការប្រឡងសញ្ញាបត្រមធ្យមសិក្សាទុតិយភូមិឬបាក់ឌុបនោះទេគឺរក្សាទុកដដែល។

យោងតាមសេចក្តីជួនដំណឹងរបស់ក្រសួងអប់រំដែលចេញផ្សាយនៅថ្ងៃទី៣០វិច្ឆិកានេះបានឲ្យដឹងថា ការប្រឡងសញ្ញាបត្រមធ្យមសិក្សាទុតិយភូមិឬបាក់ឌុបថ្ងៃទី២១ធ្នូ គឺរក្សាទុកនៅដដែល។

យ៉ាងណាក៏ដោយចំពោះសិស្សថ្នាក់ទី១២នៅភ្នំពេញនិងនៅសៀមរាប ក្រសួងបានផ្អាកការសិក្សានិងការបំប៉នត្រៀមប្រឡងដែលធ្វើឡើងនៅគ្រឹះស្ថានសិក្សាឬមានលក្ខណៈប្រមូលផ្តុំរយៈពេល១៥ថ្ងៃចាប់ពីថ្ងៃជួនដំណឹងនេះតទៅដើម្បីទប់ស្កាត់ការឆ្លងរីករាលដាលជំងឺកូវីដ១៩ចូលទៅក្នុងសហគមន៍។

លើសពីនេះទៀតក្រសួងអប់រំ បានដាក់ចេញវិធានការមួយចំនួនដូចជាផ្អាកសកម្មភាពជួបជុំ ការប្រជុំនិងសិក្ខាសាលាដែលមានមនុស្សចូលរួមលើសពី២០នាក់ចាប់ពីថ្ងៃជួនដំណឹងនេះទៅនិងផ្អាកដំណើរការសិក្សាគ្រឹះស្ថានឧត្តមសិក្សាសាធារណៈនិងឯកជននិងផ្អាកដំណើរការហាត់ប្រាណនិងលេងកីឡារយៈពេល១៥ថ្ងៃ។

ការប្រកាសផ្អាកការសិក្សានេះ បន្ទាប់ពីកម្ពុជាមានករណីឆ្លងជំងឺកូវីដ១៩ចូលក្នុងសហគមន៍ដែលជាប់ពាក់ព័ន្ធព្រឹត្តិការណ៍ ២៨ វិច្ឆិកាដោយមានសំណាក ចំនួន៣ ៣៣២ ត្រូវបានធ្វើតេស្តហើយគិតត្រឹមម៉ោង ០១និង ៣០ ព្រឹកថ្ងៃ ៣០ វិច្ឆិកា ២០២០ បានធ្វើការវិភាគ ២ ២៤៨ សំណាក ជាលទ្ធផលមាន ១៤ នាក់ វិជ្ជមាន និង ២ ២៣៤ នាក់ទៀត អវិជ្ជមាន។នៅសល់ ១០៨៤ នាក់ ទៀត មិនទាន់ធ្វើការវិភាគ ហើយលទ្ធផលអាចដឹងនៅថ្ងៃនេះ៕
ដោយ ៖ សំអឿន

Related Topics:

សេចក្ដីជូនដំណឹង១ សប្តាហ៍ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា