ស្ថានភាពទឹកតាមច្រកនានា នៅព្រំប្រទល់ កម្ពុជា-ថៃ ស្រក ពី ០.១ ដល់ ០.២ ម៉ែត្រ

ក្រសួងធនធានទឹក និងឧតុនិយម នៅព្រឹកថ្ងៃទី២៥ ខែតុលា ឆ្នាំ២០២១នេះ បានបង្ហាញ ស្ថានភាពទឹកតាមច្រកនានានៅខេត្តបន្ទាយមានជ័យ ព្រំប្រទល់ កម្ពុជា-ថៃ ដែលកម្ពស់ទឹកស្រក ពី ០.១ ដល់ ០.២ ម៉ែត្រ។

ស្ថានភាពច្រកទឹកទាំងនោះមានដូចជា៖

១. ច្រកក្បាលស្ពាន ទឹកអូរស្រក ០.២ម៉ែត្រ ស្ថិតនៅស្រុកម៉ាលៃ។

២. ច្រកអូរល្ងុង ទឹកអូរស្រក ០.១ម៉ែត្រ ស្ថិតនៅក្រុងប៉ោយប៉ែត។

៣. ច្រកអូរបីជាន់ ទឹកអូរស្រក ០.១ម៉ែត្រ ស្ថិតនៅស្រុកអូររជ្រៅ។

៤. ច្រកអូរកំបុត ទឹកអូរស្រក ០.១ម៉ែត្រ ស្ថិតនៅស្រុកថ្មពួក។

ស្ថានភាព ច្រកទឹកទាំង០៤ ស្ថានភាពស្រែ ស្រូវ ផ្ទះ ពុំទាន់លិចលង់ទេ។

៥. ជំនន់វាលសែសិន ស្ថានភាពទឹកនឹង សរុប ០.៨ម៉ែត្រ។

គួរបញ្ជាក់ថា ស្ថានភាពទឹកតាមច្រកខាងលើ កាលពីម្សិលមិញ ថ្ងៃទី២៤ ខែតុលា ឆ្នាំ២០២១ មានស្ថានភាព៖

១. ច្រកក្បាលស្ពាន ទឹកអូរកេីន ១.១ម៉ែត្រ ស្ថិតនៅស្រុកម៉ាលៃ។

២. ច្រកអូរល្ងុង ទឹកអូរស្រក ០.០៥ម៉ែត្រ ស្ថិតនៅក្រុងប៉ោយប៉ែត។

៣. ច្រកអូរបីជាន់ ទឹកអូរស្រក ០.១ម៉ែត្រ ស្ថិតនៅស្រុកអូររជ្រៅ។

៤. ច្រកអូរកំបុត ទឹកអូរស្រក ០.០៩ម៉ែត្រ ស្ថិតនៅស្រុកថ្មពួក។

ស្ថានភាព ច្រកទឹកទាំង០៤ ស្ថានភាពស្រែ ស្រូវ ផ្ទះ ពុំទាន់លិចលង់ទេ។

៥. ជំនន់វាលសែសិន ស្ថានភាពទឹកកើន ០.០៥ម៉ែត្រ សរុប ០.៧ម៉ែត្រ៕

អត្ថបទ៖ ច័ន្ទ វីរៈ