ជីវិតកម្សាន្ដ

ពេជ្រ សោភា ស្នើឲ្យមានការលើកទឹកចិត្តម្ចាស់មកុដបវរកញ្ញាចក្រវាឡកម្ពុជា

បានផុស

៥ years មុន

នៅ

ថ្ងៃអង្គារ ២ វិច្ឆិកា ២០២១

ដោយ

ក្រោយឆ្លងកាត់ការប្រកួតយ៉ាងស្វិតស្វាញ និងវគ្គជម្រុះជាច្រើនខែកន្លងមកនោះ ទីបំផុតបានរកឃើញម្ចាស់មកុដបរវកញ្ញាចក្រវាឡកម្ពុជា២០២១ (Miss Univeres Cambodia 2021) គឺបានទៅលើកញ្ញា ងិន ម៉ារ៉ាឌី ។

ថ្វីត្បិតជាកម្មវិធីប្រកួតបរវកញ្ញាចក្រវាឡកម្ពុជា២០២១(Miss Univeres Cambodia 2021)នេះត្រូវបានរកឃើញម្ចាស់ជ័យលាភី និងបញ្ចប់ទៅជាច្រើនថ្ងៃហើយពិតមែន តែគេក៏នៅសង្កេតឃើញមានការលើកឡើងដោយសរសើរពីសមត្ថភាព និងទេពកោសល្យរបស់ ងិន ម៉ារ៉ាឌី ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទន្ទឹមគ្នានេះ សម្រាប់កំពូលតារាចម្រៀងអ្នកនាង ពេជ្រ សោភា ក៏បានបញ្ចេញមតិគាំទ្រនិងស្នើឲ្យមាន ការលើកទឹកចិត្តម្ចាស់មកុដបវរកញ្ញាចក្រវាឡកម្ពុជា កញ្ញា ងិន ម៉ារ៉ាឌី ផងដែរ ខណ:ដែលម្ចាស់មកុដរូបនេះក៏ត្រៀមខ្លួនតំណាងកម្ពុជាសម្រាប់ចេញទៅប្រកួតលើឆាកអន្តរជាតិ។

អ្នកនាង ពេជ្រ សោភា បានលើកឡើងថា សម្រាប់ខ្ញុំគឺមិនចង់និយាយច្រើនទេ ត្រូវចាំអ្នកទៅប្រឡងបន្តគឺគាត់ អញ្ចឹងយើងគួរគិតថា គាត់តំណាងអោយប្រទេសកម្ពុជា។ កាលើកទឹកចិត្តគឺសំខាន់បើយើងមិនគាំទ្រគាត់ទេអោយអ្នកណាមកគាំទ្រគាត់ក្នុងពេលនេះ អរគុណ ។

ចំណែកឯកញ្ញា ងិន ម៉ារ៉ាឌី បាននិយាយថា វាប្រៀបដូចជាកំពុងតែនៅក្នុងការយល់សប្ដិ ប៉ុន្តែនេះគឺការពិតដែលនាងខ្ញុំបានក្លាយទៅជាបវកញ្ញាចក្រវាលកម្ពុជាឆ្នាំ២០២១ ។ សូមអរគុណ នូវទឹកចិត្តការគាំទ្រពីពុកម៉ែបងប្អូន និងហ្វេនទាំងអស់គ្នា អ្នកទាំងអស់គ្នានេះហើយគឺជាកម្លាំងចិត្តដ៏ធំធេងសម្រាប់នាងខ្ញុំ ៕

អត្ថបទ៖ ចាន់រ៉ា