សន្តិសុខសង្គម

អគ្គិភ័យសម្លាប់ប្ដីប្រពន្ធវ័យចំណាស់ពីរនាក់នៅខណ្ឌកំបូល

បានផុស

៥ years មុន

នៅ

ថ្ងៃអង្គារ ៣០ វិច្ឆិកា ២០២១

ដោយ

ប្ដីប្រពន្ធវ័យចំណាស់ពីរនាក់ត្រូវបានស្លាប់ពេលបញ្ជូនដល់មន្ទីរពេទ្យបន្ទាប់ពីមានអគ្គិភ័យឆាបឆេះក្នុងផ្ទះ។ ករណីគ្រោះអគ្គិភ័យបណ្ដាលឲ្យមានមនុស្សស្លាប់នេះ បានកើតឡើងកាលពីវេលាម៉ោង១២និង១០នាទីយប់រំលងអធ្រាត្រ ឈានចូលថ្ងៃទី៣០ ខែវិច្ឆិកា ឆ្នាំ២០២១ ស្ថិតតាមបណ្ដោយផ្លូវបេតុងក្នុងបុរីគឹមសាន្ត ភូមិតាកេរ្តិ៏ សង្កាត់កំបូល ខណ្ឌកំបូល រាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សមត្ថកិច្ចឲ្យដឹងថា ម្ចាស់ផ្ទះជាប្តីមានឈ្មោះ សុផល អាយុ៦០ឆ្នាំជាង ជនជាតិខ្មែរ មុខរបរជាមន្ត្រីរាជការ រីឯប្រពន្ធមានឈ្មោះ សុខ ខុម អាយុ៥០ឆ្នាំ ជនជាតិខ្មែរ មុខរបរមេផ្ទះ ស្នាក់នៅផ្ទះកើតហេតុខាងលើ។

ប្រភពពីកន្លែងកើតហេតុបានឲ្យដឹងថា មុនពេលកើតហេតុគេឃើញមានអណ្ដាតភ្លើងឆេះចេញពីក្នុងផ្ទះលាយលំជាមួយផ្សែងហ៊ុយ និងឮសំឡេងម្ចាស់ផ្ទះស្រែកឲ្យគេជួយផងភ្លើងឆេះផ្ទះខ្ញុំហើយ។ ភ្លាមនោះប្រជាពរដ្ឋដែលមានផ្ទះនៅជិតនោះបាននាំគ្នាយកបំពង់ពន្លត់អគ្គីភ័យមកជួយបាញ់ពន្លត់តែមិនរលត់ ក៏បានរាការណ៍ទៅសមត្ថកិច្ចឲ្យចេញរថយន្តមកបាញ់ជួយពន្លត់និងជួយសង្គ្រោះម្ចាស់ផ្ទះពីរនាក់ប្ដីប្រពន្ធយកទៅសង្គ្រោះនៅឯមន្ទីរពេទ្យ តែអកុសលជនរងគ្រោះ២នាក់ប្តីប្រពន្ធបានស្លាប់ជាបន្តបន្ទាប់។

បើតាមសមត្ថកិច្ចជំនាញបានដឹងថា គ្រោះអគ្គីភ័យនេះផ្ដើមចេញពីឆ្លងចរន្តអគ្គិសនី ព្រមទាំងឆេះទ្រព្យសម្បត្តិក្នុងផ្ទះទាំងស្រុង៕

អត្ថបទ៖ សុខា

Related Topics:

សេចក្ដីជូនដំណឹង៦ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា