វប្បធម៌ ជំនឿ

ជណ្ដើរក្នុងសុបិន ទាក់ទងនឹងស្ថិរភាពការងារបច្ចុប្បន្ន

បានផុស

៤ years មុន

នៅ

ថ្ងៃព្រហស្បតិ៍ ២០ មករា ២០២២

ដោយ

ជណ្ដើរជាវត្ថុជួយចម្លងយើងទៅកាន់កន្លែងចង់ទៅ ជាពិសេសទីខ្ពស់។ ប្រសិនបើវា ស្ថិតក្នុងសុបិនរបស់យើងវិញអត្ថន័យ មានន័យយ៉ាងណា?

ជណ្ដើរក្នុងសុបិន តំណាងឲ្យការងារមានគេតាមសម្លឹងមើល មានគេកំពុងមើលសមត្ថភាពយើងខ្លាំង ឬខ្សោយ។ ម៉្យាងទៀត វាក៏ទាក់ទងនឹងការព្យាយាមរបស់យើង ក្នុងកិច្ចការងារសព្វថ្ងៃនេះដែរ។

សុបិនឃើញជណ្តើរខ្ពស់ នោះបានសេចក្ដីថា អ្វីដែលយើងកំពុងគិតចង់ធ្វើ ឬមានក្ដីសង្ឃឹម នឹងទទួលបានជោគជ័យឆាប់ៗ សមតាមបំណង។ ប៉ុន្តែ យ៉ាងណាក៏ដោយ ចូរកុំលោភលន់នឹងសំណាងនោះពេក ត្រូវចេះស្គាល់ថាគ្រប់គ្រាន់ ទើបជីវិតមានន័យ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សុបិនឃើញជណ្ដើរធំទូលាយ នោះបង្ហាញពីស្ថិរភាពក្នុងការងារនាបច្ចុប្បន្ននេះ កំពុងមានលំនឹងល្អ មានគេគោរព និងឲ្យតម្លៃ។ ក្នុងនោះ ក៏មានមេកោយសម្លឹងឃើញពីសមត្ថភាពពិតៗ ចេញពីក្នុងខ្លួន ដើម្បីងាយស្រួលដំឡើងតំណែង។ ចូរខិតខំនិងព្យាយាមទៅមុខបន្តទៀត កុំបោះបង់ ជោគជ័យកំពុងនៅកៀកហើយ។

សុបិនខ្លួនឯងបានធ្លាក់ជណ្តើរ បញ្ជាក់ថា អ្វីដែលរំពឹងទុក ប្រហែលជាមិនដូចការចង់បាន ឬជួបឧបសគ្គធំនៅខាងមុខ។ វាត្រូវការការខិតខំប្រឹងប្រែងបន្ថែមទៀត ដើម្បីទទួលបានអ្វីដែលអ្នកចង់បាន។ ចងចាំថា មនុស្សណាមានការព្យាយាមខ្ពស់ នឹងទទួលបានផលនោះដូចបំណង។ ម្ល៉ោះហើយ សុបិនគ្រាន់តែជាសុបិន សំខាន់យើងនៅពិភពខាងក្រៅ ត្រូវធ្វើឲ្យល្អជាងនៅក្នុងសុបិន៕

គ្រូ ណុប

ចុចអាន៖ភ្នំក្នុងសុបិន តំណាងឲ្យការងារស្មុគស្មាញ មានគេចង់ផ្ចាញ់មុខតំណែង

ចុចអាន៖សត្វស្វាក្នុងសុបិន មនុស្សនៅលីវ នឹងជួបស្នេហាឆ្នាំនេះ