សន្តិសុខសង្គម

ផ្ទះ ៣ ខ្នង នៅផ្សារតូចក្រុងសិរីសោភ័ណ ត្រូវអគ្គិភ័យឆាបឆេះទាំងកណ្ដាលថ្ងៃត្រង់

បានផុស

៤ years មុន

នៅ

ថ្ងៃពុធ ២ មីនា ២០២២

ដោយ

ផ្ទះ ៣ ខ្នង នៅផ្សារតូច ក្រុងសិរីសោភ័ណ ១ ខ្នង ឆេះទាំងស្រុង ២ ខ្នងទៀតឆេះអស់ ៥០% ករណីទុស្សេខ្សែភ្លើង កាលពីវេលាម៉ោង ១២ ថ្ងៃទី ២ ខែមីនា ឆ្នាំ ២០២២ ក្នុងសង្កាត់កំពង់ស្វាយ ក្រុងសិរីសោភ័ណ ខេត្តបន្ទាយមានជ័យ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកវរសេនីយ៍ឯក ស៊ី ឌី អធិការនគរបាលក្រុងសិរីសោភ័ណ បានឲ្យដឹងថា អគ្គិភ័យនេះ បណ្ដាលមកពីផ្ទះឈ្មោះ ឌិតរ៉ាម៉ា ចាន្ត្រា ថ្មក្រោមឈើលើ នៅផ្សារតូច ក្នុងសង្កាត់កំពង់ស្វាយ ក្រុងសិរីសោភ័ណ ករណីទុស្សេខ្សែភ្លើង។

ក្រោយទទួលដំណឹង លោក ហ៊ឹល រ៉ាយ៉ា គណៈបញ្ជាការឯកភាពក្រុងសេរីសោភ័ណ បានដឹកនាំកម្លាំងអធិការ ក្រុងដឹកនាំដោយ វរសេនីយ៍ឯក ស៊ី ឌី អធិការនគរបាលក្រុងសិរីសោភ័ណ លោកយ៉ាន់សុវណ្ណ មេបញ្ជាការកងរាជអាវុធហត្ថក្រុងសេរីសោភ័ណ កម្លាំងផ្នែកសឹករងក្រុងសិរីសោភ័ណ ក្នុងនោះមានរថយន្តពន្លត់អគ្គិភ័យជាច្រើនគ្រឿង បានពួតដៃគ្នាបាញ់ទឹកយ៉ាងសស្រាក់សស្រាំកន្លះម៉ោងក្រោយមក ភ្លើងទើបរលត់ជាស្ថាពរ ក្នុងនោះផ្ទះ ២ ខ្នងទៀត ត្រូវឆេះអស់ពាក់កណ្តាល ១.មានឈ្មោះ ឌិតរ៉ាម៉ា ចាន្ត្រា ភេទប្រុស អាយុ ៦៧ និង ប្រពន្ធ ឈ្មោះ គឹម ហឿត ភេទស្រី អាយុ ៦៤ ឆ្នាំ បណ្ដាលខូចខាត ទ្រព្យសម្បត្តិអស់ទាំងស្រុង ក្នុងនោះមាន កង់១គ្រឿង ទូរទឹកកក ១ គ្រឿង និងសម្ភារៈមួយចំនួនទៀត, ២. ផ្ទះទំហំ ៥.៥ ម៉ែត្រ x៧ ម៉ែត្រ ម្ចាស់ផ្ទះឈ្មោះ អឿម នាទ ភេទស្រី អាយុ ៥៧ ខូចខាតទ្រព្យសម្បត្តិប្រហែល ៥០% ប្រាក់ ១ លាន និងសម្ភារៈមួយចំនួន, ៣. ផ្ទះទំហំ ៤ ម៉ែត្រ x៥ ម៉ែត្រ ម្ចាស់ផ្ទះ ឈ្មោះ ចេក ម៉ាច ភេទស្រី ៧៨ ឆ្នាំ ខូចខាតទ្រព្យសម្បត្តិ ផ្ទះមួយចំហៀងនិងសម្ភារៈមួយចំនួន។ ក្នុងការពន្លត់នោះចំណាយ រថយន្តពន្លត់អគ្គិភ័យចំនួន ៤ គ្រឿងបាញ់ពន្លត់ រយៈពេលជាងកន្លះម៉ោងទើបភ្លើងរលត់អស់ទាំងស្រុង៕

អត្ថបទ៖ វ៉ាន់ ណាង

Related Topics:

សេចក្ដីជូនដំណឹង៥ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា