នយោបាយ
លោក សុខ ឥសាន ៖ គណបក្សប្រជាជនកម្ពុជា នឹងដាក់បេក្ខជនឈរឈ្មោះបោះឆ្នោត នៅគ្រប់ឃុំ-សង្កាត់ចំនួន ១៦៥២
គណបក្សប្រជាជនកម្ពុជា នឹងដាក់ពាក្យស្នើសុំចុះបញ្ជីបេក្ខជន សម្រាប់ឈរឈ្មោះបោះឆ្នោតជ្រើសរើស ក្រុមប្រឹក្សាឃុំ-សង្កាត់ នៅថ្ងៃស្អែកនេះ តែម្ដង។ បើតាមកាលបរិច្ឆេទរបស់ គ.ជ.ប បានឲ្យដឹងថា ការចុះទទួលពាក្យស្នើសុំ ចុះបញ្ជីបេក្ខជនគណបក្សនយោបាយ សម្រាប់ឈរឈ្មោះបោះឆ្នោតជ្រើសរើស ក្រុមប្រឹក្សាឃុំ-សង្កាត់អាណត្តិទី ៥ ឆ្នាំ ២០២២ មានរយៈពេល ៣ថ្ងៃ គឺចាប់ពីថ្ងៃទី ៤ ខែមីនា និងបញ្ចប់នៅថ្ងៃទី ៦ ខែមីនា ឆ្នាំ ២០២២។
លោក សុខ ឥសាន អ្នកនាំពាក្យគណបក្សប្រជាជនកម្ពុជា មានប្រសាសន៍ប្រាប់កម្ពុជាថ្មី នៅថ្ងៃទី ៣ ខែមីនានេះថា គណៈកម្មាធិការគណបក្សប្រជាជនកម្ពុជា ថ្នាក់មូលដ្ឋានឃុំ-សង្កាត់នីមួយៗ នឹងយកពាក្យស្នើសុំចុះបញ្ជីបេក្ខជន ទៅដាក់នៅគណៈកម្មការរៀបចំការបោះឆ្នោត នៅថ្ងៃទី ៤ ខែមីនា ឆ្នាំ ២០២២ ដែលជាថ្ងៃទីមួយ នៃការទទួលពាក្យ។ លោកថា គណបក្សប្រជាជនកម្ពុជា នឹងដាក់បេក្ខជនឈរឈ្មោះបោះឆ្នោត នៅគ្រប់ឃុំ-សង្កាត់ចំនួន ១៦៥២ ឃុំ-សង្កាត់ នៅទូទាំងប្រទេស។
លោក សុខ ឥសាន បានបញ្ជាក់បន្ថែមថា «យើងដឹងហើយ បទបញ្ជាផ្ទៃក្នុងរបស់គណបក្សប្រជាជន បានជ្រើសរើសបេក្ខជនហ្នឹង គឺស្របទៅតាមមតិសមូហភាព នៃគណៈកម្មការបក្សខេត្ត គណៈកម្មការបក្សមូលដ្ឋាន ហើយនិងសម្រេចដោយសន្និបាត ដែលមានក្រុមការងាររួមយោបល់»។ លោកបន្ថែមទៀតថា ការជ្រើសរើសបេក្ខជនឈរបោះឆ្នោត របស់គណបក្សប្រជាជនកម្ពុជា មានលក្ខណៈប្រជាធិបតេយ្យផ្ទៃក្នុងបក្សទូលំទូលាយ។ ដូច្នេះហើយ រាល់បេក្ខជនទាំងអស់ របស់គណបក្សប្រជាជនកម្ពុជា មានលក្ខណៈសម្បត្តិ ស្របទៅតាមសំណូមពរ និងតម្រូវការរបស់ប្រជាពលរដ្ឋ នៅមូលដ្ឋាន។
សូមជម្រាបថា ការបោះឆ្នោតជ្រើសរើសក្រុមប្រឹក្សាឃុំ-សង្កាត់ អាណត្តិទី ៥ ឆ្នាំ ២០២២ នឹងប្រព្រឹត្តទៅនៅថ្ងៃទី ៥ ខែមិថុនា ឆ្នាំ ២០២២ ខាងមុខនេះ។ គិតត្រឹមថ្ងៃទី ២ ខែមីនា ឆ្នាំ ២០២២ គ.ជ.ប បានទទួលពាក្យស្នើសុំបង្កើតគណនី ប្រើប្រាស់កម្មវិធីរៀបចំបញ្ជីបេក្ខជនឈរឈ្មោះបោះឆ្នោត ពីគណបក្សនយោបាយចំនួន ១១ ហើយ។
ចំពោះការបោះឆ្នោតនាពេលខាងមុខ ដែលអាចនឹងមានគណបក្សនយោបាយច្រើន ចូលរួមប្រកួតប្រជែងនោះ លោក សុខ ឥសាន អ្នកនាំពាក្យប្រជាជនកម្ពុជា បានលើកឡើងថា នេះជាបរិយាកាសនយោបាយនៅកម្ពុជា ដែលមានលក្ខណៈល្អប្រសើរ ទើបធ្វើឲ្យគណបក្សនយោបាយជាច្រើន ត្រៀមខ្លួនចុះឈ្មោះចូលរួមការប្រកួតប្រជែង៕
អត្ថបទ៖ ឃួន សុភ័ក្រ
-
ព័ត៌មានជាតិ៣ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២២ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៦ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ព័ត៌មានជាតិ២០ ម៉ោង ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ១ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ