ព័ត៌មានអន្ដរជាតិ

ស្លូវ៉ាគីចាប់ផ្តើមពង្រាយប្រព័ន្ធការពារវាយប្រហារអាកាស Patriot

បានផុស

៤ years មុន

នៅ

ថ្ងៃចន្ទ ២១ មីនា ២០២២

ដោយ

ប្រព័ន្ធការពារពីការវាយប្រហារលើអាកាស Patriot បានទៅដល់ប្រទេសស្លូវ៉ាគីពីប្រទេសដៃគូអង្គការណាតូហើយ និងការដាក់ពង្រាយនឹងធ្វើក្នុងរយៈពេលប៉ុន្មានថ្ងៃខាងមុខ។ នេះជាការឲ្យដឹងពីរដ្ឋមន្ត្រីក្រសួងការពារជាតិស្លូវ៉ាគីបាននិយាយកាលពីថ្ងៃអាទិត្យ។

ប្រព័ន្ធការពារនឹងត្រូវដំឡើងឲ្យដំណើរការដោយកងទ័ពអាល្លឺម៉ង់ និងហុល្លង់ ហើយនឹងចាប់ផ្តើមដាក់ពង្រាយនៅព្រលានយន្តហោះ Sliac ភាគកណ្តាលប្រទេសស្លូវ៉ាគីដើម្បីជួយពង្រឹងសមត្ថភាពការពារផ្នែកខាងកើតរបស់ណាតូ។

ការវាយប្រហាររបស់រុស្ស៊ីនៅអ៊ុយក្រែនបានជំរុញឲ្យសម្ព័ន្ធភាពប្រឹងប្រែងពង្រឹងសមត្ថភាពការពាររបស់ខ្លួន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រព័ន្ធការពារ Patriot នឹងជាផ្នែកមួយនៃក្រុមសមរភូមិថ្មីរបស់ ណាតូ នៅស្លូវ៉ាគី ដែលមានព្រំដែនជាប់ប្រទេសអ៊ុយក្រែន។

រដ្ឋមន្ត្រីការពារជាតិ លោក Jaroslav Nad មានប្រសាសន៍តាមបណ្តាញសង្គម Facebook ថា ៖«ខ្ញុំរីករាយដើម្បីបញ្ជាក់ថា ឈុតគ្រឿងដំបូងសម្រាប់ការដាក់ពង្រាយប្រព័ន្ធការពារពីការវាយប្រហារអាកាស Patriot បានមកដល់ស្លូវ៉ាគីហើយ»។

លោក Nad បានឲ្យដឹងថា ប្រព័ន្ធ Patriot នឹងជាការបំពេញបន្ថែម និងមិនមែនជាការជំនួសប្រព័ន្ធ S-300 ដែលផលិតសម័យកាលសូវៀតនោះទេដែលស្លូវ៉ាគីប្រតិបត្តិការ។

«ជាបណ្តោះអាសន្ន ប្រព័ន្ធនឹងត្រូវបានដាក់ពង្រាយនៅមូលដ្ឋានទ័ពអាកាស Sliac, តំបន់ដាក់ពង្រាយបន្ថែមទៀតកំពុងត្រូវបានពិគ្រោះគ្នា… ដូច្នេះគំរបសុវត្ថិភាពកាន់តែធំទូលាយនៅទឹកដីស្កូវ៉ាគី»។ លោក Nad បានបញ្ជាក់។

លោករដ្ឋមន្ត្រីក្រសួងការពារជាតិបាននិយាយកាលពីសប្តាហ៍មុនថា ស្លូវ៉ាគីមានឆន្ទៈផ្តល់ប្រព័ន្ធការពារ S-300 ទៅអ៊ុយក្រែន ប្រសិន និងនៅពេលទទួលបានប្រព័ន្ធការពារថ្មីដើម្បីជំនួស៕ ប្រែសម្រួល៖ វីរបុត្រ
ប្រភព៖ reuters

Related Topics:

សេចក្ដីជូនដំណឹង១ សប្តាហ៍ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា