ព័ត៌មានជាតិ

លោកទេសរដ្ឋមន្ត្រី លី ធុជ បានដឹកនាំវេទិកាសាធារណៈជាមួយប្រជាពលរដ្ឋសង្កាត់បាវិត

បានផុស

៤ years មុន

នៅ

ថ្ងៃសុក្រ ១ មេសា ២០២២

ដោយ

បាវិត ៖ ថ្ងៃទី០១ ខែមេសា ឆ្នាំ២០២២ ក្នុងនាមលោកស្រីកិត្តិសង្គហបណ្ឌិត ម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច លោកទេសរដ្ឋមន្ត្រី លី ធុជ ប្រធានក្រុមការងាររាជរដ្ឋាភិបាលចុះមូលដ្ឋានក្រុងបាវិត បានអញ្ជើញដឹកនាំវេទិកាសាធារណៈជាមួយប្រជាពលរដ្ឋសង្កាត់បាវិត ក្រុងបាវិត ដែលមានការចូលរួមពីរដ្ឋបាលក្រុង កងកម្លាំងប្រដាប់អាវុធ ការិយាល័យជុំវិញក្រុង ក្រុមប្រឹក្សាសង្កាត់ និងមេភូមិទាំង ៥។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងនាមក្រុមការងាររាជរដ្ឋាភិបាល លោកទេសរដ្ឋមន្ត្រី បានលើកឡើងថា រាជរដ្ឋាភិបាលកម្ពុជា កើតចេញពីប្រជាពលរដ្ឋ និងកើតចេញពីគណបក្សប្រជាជនកម្ពុជា ហើយបញ្ហាប្រឈមនិងកង្វល់ទាំងឡាយរបស់ប្រជាពលរដ្ឋ គឺជាបញ្ហានិងកាតព្វកិច្ចរបស់រាជរដ្ឋាភិបាលដែលកំពុងដឹកនាំប្រទេសត្រូវដោះស្រាយឲ្យទាន់ពេលវេលា និងឆ្លើយតបនឹងតម្រូវការជាក់ស្តែងរបស់ប្រជាពលរដ្ឋ។

លោកបន្តទៀតថា ប្រមុខរាជរដ្ឋាភិបាលកម្ពុជា បាននាំមកនូវសុខសន្តិភាព ស្ថិរភាព និងការអភិវឌ្ឍលើគ្រប់វិស័យ ដូច្នេះបញ្ហានិងកង្វល់ទាំងអស់របស់ប្រជាពលរដ្ឋ មិនត្រូវទុកចោលដោយមិនបានដឹង និងមិនបានដោះស្រាយឡើយ។

ក្នុងឱកាសនោះ លោកទេសរដ្ឋមន្ត្រី បានជំរុញឲ្យអាជ្ញាធរមូលដ្ឋាន និងការិយាល័យជំនាញ ត្រូវបន្តយកចិត្តទុកដាក់ កែលម្អទម្លាប់ធ្វើការ និងលើកកម្ពស់ការផ្តល់សេវាសាធារណៈជូនប្រជាពលរដ្ឋឲ្យកាន់តែប្រសើរឡើង៕

Related Topics:

សេចក្ដីជូនដំណឹង៥ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា