ព័ត៌មានជាតិ
ពលរដ្ឋកម្ពុជាជិត ១៥លាននាក់ ស្មើជាង ៩២% បានទទួលវ៉ាក់សាំងបង្ការជំងឺកូវីដ-១៩
ប្រជាជនខ្មែរចំនួន ១៤ ៨៥៣ ៧៦៦ ក្នុងចំណោម ១៦ លាននាក់ ដែលស្មើ ៩២.៨៤% បានទទួលការចាក់វ៉ាក់សាំង ការពារជំងឹកូវីដ១៩ ពីយុទ្ធនាការចាក់វ៉ាក់សាំងទូទាំងប្រទេស។ នេះបើតាមការចុះផ្សាយជាផ្លូវការរបស់ក្រសួងសុខាភិបាល ដោយគិតត្រឹមយប់ ថ្ងៃ ១៧ ខែ មេសា ។
ក្នុងយុទ្ធនាការនេះ មនុស្សពេញវ័យដែលចាប់ពីអាយុ ១៨ឆ្នាំឡើងទៅ ទទួលបានការចាក់ វ៉ាក់សាំងសម្រេចបាន ១០ ២៧៤ ០៩៨ នាក់ សម្រាប់ដូសទី១ និងដូសទី២ សម្រេចបានចំនួន ៩ ៩២៩ ៧៤៤ នាក់ ស្មើនឹង ១០២.៧៤% នៃប្រជាជនសរុបប្រមាណ ១០លាននាក់។
ដោយឡែក ចំពោះក្រុមកុមារដែលមានអាយុចាប់ពី ១២ទៅក្រោម ១៨ សម្រេចបាន ១ ៨៣០ ៨៤១ នាក់ក្នុងដូសទី១ និងចំនួន ១ ៧៦៥ ៩៨១ នាក់សម្រាប់ដូសទី២ ស្មើនឹង ១០០.១៩% នៃគោលដៅសរុបចំនួនជាង ១លាន៨ សែននាក់។
ចំពោះកុមារអាយុចាប់ពី ៦ ដល់ក្រោម១២ ឆ្នាំវិញ ទទួលបានការចាក់នៃក្រុមគោលដៅ សរុបជិត ១លាន៩សែននាក់ ដោយដូសទី១ ចាក់បាន ២ ០៤៧ ០៥៣ នាក់ និង ១ ៩៧៧ ៦២៥ នាក់ក្នុងដូសទី២ ដែលស្មើនឹង ១០៧.៨៩%។
រីឯក្រុមកុមារដែលមានអាយុចាប់ពី ០៣ឆ្នាំ ដល់ក្រោម ០៥ឆ្នាំ សម្រេចបានដូសទី១ចំនួន ៣២២ ១០៨ នាក់ និងសម្រេចចាក់ដូសទី២ បានចំនួន ១៣៥ ៨២៤ នាក់ ដែលស្មើនឹង ៥២.៧៤% នៃក្រុមគោលដៅសរុបប្រមាណ ៦០ម៉ឺននាក់។ ក្នុងនោះផងដែរ កុមារអាយុ ៥ឆ្នាំ ប្រមាណជាង ៣០ម៉ឺននាក់ សម្រេចចាក់បាន ៣៧៩ ៦៦៦ នាក់ សម្រាប់ដូសទី១ និងចំនួន ៣០០ ២៧៩ នាក់ បានចាក់ដូសទី២ ដែលស្មើនឹង ១២៤.៧៦%។
សូមបញ្ជាក់ថា តាមរយៈការបញ្ជាទិញដោយផ្ទាល់ ជំនួយទ្វេភាគី យន្តការកូវ៉ាក់ និងយន្តការបញ្ជាទិញក្រោមមូលនិធិអាស៊ាន កម្ពុជាបានទទួលវ៉ាក់សាំងបង្ការជំងឺកូវីដ-១៩ ចំនួន ៥០ ០៧៦ ៧៩០ ដូស រួចមកហើយ គិតត្រឹមថ្ងៃ ១៨ មេសា នេះ។
បន្ថែមពីនេះ កម្ពុជានឹងទទួលបានជំនួយវ៉ាក់សាំងចិនចំនួន ១៥លានដូស បន្ថែមទៀត ខណៈដូសពីអ៊ីតាលីក៏នឹងផ្តល់ចំនួន ១លានដូស និងជំនួយពីប៉ូឡូញ ១លានដូសផងដែរ។ រីឯសហរដ្ឋអាមេរិក ក៏បានផ្តល់ជំនួយវ៉ាក់សាំងចំនួន ៧លាន ៥សែនដូសបន្ថែមទៀតផងដែរ ដល់រដ្ឋាភិបាលកម្ពុជា ដែលនឹងមកដល់ក្នុងពេលខាងមុខនេះ៕
អត្ថបទ៖ នាង រតនៈ
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៨ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)