ជីវិតកម្សាន្ដ
បិទបញ្ចប់ក្ដី ការស្លាប់របស់ Tangmo គឺដោយសារ ថប់ដង្ហើមពីការលង់ទឹក
លោកឧត្តមសេនីយ៍ទោ ជីរ៉ាផាត ភូមិឈីត (Chirapat Phumchit) មេបញ្ជាការដ្ឋាននគរបាលភូមិភាគ១ កាលពីថ្ងៃអង្គារបានធ្វើសន្និសីទកាសែតបូកសរុបលទ្ធផលបិទសំណុំរឿងរបស់កញ្ញា តេងម៉ូ នីដា (Tangmo Nida) ដែលជាតារាសម្ដែងស្រីដ៏ល្បីម្នាក់ បន្ទាប់ពីស្លាប់ដោយអាថ៌កំបាំង ក្រោយធ្លាក់ពីលើទូកល្បឿនលឿនក្នុងទន្លេចៅប្រាយ៉ាកាលពីថ្ងៃទី២៤ ខែកុម្ភៈ ឆ្នាំ២០២២ ។
ដោយនគរបាលនៃអធិការស្រុកនុនថាបូរ៉ី (Nonthaburi), នគរបាលនៃស្នងការខេត្តនុនថាបូរ៉ី, សមត្ថកិច្ចស៊ើបអង្កេត រួមសហការគ្នាធ្វើការស៊ើបអង្កេតលើសំណុំរឿងនៃការស្លាប់នេះ ក៏ដូចជាបានសម្ភាសសាក្សីជាង ១៤០ នាក់ ឯកសារកំណត់ហេតុចំនួន ៨ ក្បាលធំៗ កម្រាស់ជាង ១,០០០ ទំព័រ ព្រមទាំងប្រមូលបានវត្ថុភស្តុតាងផ្សេងៗ មានទាំងរូបភាពខ្សែវីដេអូ CCTV ពីកាមេរ៉ាសុវត្ថិភាពចំនួន ៧០ និងឃ្លីបជាង ២០០ ឃ្លីបផងនោះ, លោកឧត្តមសេនីយ៍ទោ ជីរ៉ាផាត ភូមិឈីត (Chirapat Phumchit) បានថ្លែងគួសបញ្ជាក់ថា សំណុំរឿងករណីនេះបានចប់សព្វគ្រប់ហើយ គ្មានចំណុចណាដែលត្រូវត្រួតពិនិត្យបន្ថែមទៀតឡើយ ។
ទន្ទឹមគ្នានេះ សមត្ថកិច្ចក៏បានបើកឃ្លីបមួយចំនួន ហើយបានបង្ហាញពីពេលវេលានៃការស្លាប់ និងបាននិយាយថា កញ្ញា តេងម៉ូ គឺស្លាប់ដោយសារ “ថប់ដង្ហើមពីការលង់ទឹក” ។ ចំណែកមុខរបួសរបស់នាង គឺប៉ះត្រូវនឹងកង្ហារស្លាបចក្រទូក និងប្ដឹងជនសង្ស័យ ៦ នាក់ចោទពីបទធ្វេសប្រហែសបង្កឱ្យអ្នកដទៃស្លាប់ ពោលគឺមានអ្នកធ្វេសប្រហែសដែលបណ្តាលឱ្យកញ្ញា តេងម៉ូ នីដា រហូតដល់ស្លាប់ ។
ដោយឡែកនៅត្រង់ចំណុចខ្លះនៃឃ្លីបបានឱ្យដឹងថា មានវត្ថុមួយចំនួននៅផ្នែកខាងក្រោយទូកនៅមុនពេលបាត់ខ្លួន ខណៈដែល កញ្ញា តេងម៉ូ នោម ឬអត់នោះ មិនមាននរណាឃើញទេ ពោលមានសាក្សីតែម្នាក់គត់ដែលបាននិយាយថា កញ្ញា តេងម៉ូ បានដើរទៅផ្នែកខាងក្រោយទូក ហើយអង្គុយនោម ហើយធ្លាក់ពីលើទូក ។
ប៉ុន្តែចំពោះការនោម ឬមិននោមនោះ មិនអាចនិយាយបានទេ ដោយគ្រាន់តែគេជឿថាមានមនុស្សមកខាងក្រោយទូក ហើយក៏បាត់ខ្លួនទៅវិញ ហើយរួមជាមួយនឹងការធ្វើកោសល្យវិច័យលើមុខរបួស ខាងគ្រូពេទ្យបាននិយាយថា មុខរបួសត្រង់ភ្លៅ និងជើងរបស់កញ្ញា តេងម៉ូ មុតនឹងកង្ហាស្លាបចក្រទូក អំឡុងពេលធ្លាក់ពីលើទូក ដែលត្រូវបានសន្និដ្ឋានថា ជើងរបស់នាងត្រូវបានចូលទៅក្នុងកង្ហាស្លាបចក្រទូក ៕
ប្រែសម្រួលដោយ ៖ គង់ សំអាន
ប្រភព ៖ Post Today
-
ជីវិតកម្សាន្ដ៣ ថ្ងៃ ago
អាយដល G-Devith ក៏ឈ្នះរង្វាន់ដែរ ឈ្នះ ១លានរៀល ពី វឌ្ឍនៈ ឡាហ្គឺរ៉េដ
-
ជីវិតកម្សាន្ដ៦ ថ្ងៃ ago
ពេជ្រ ចរណៃ រក្សាបានរាង និងសម្រស់ស្អាត មិនចាញ់តារាបរទេស
-
ព័ត៌មានជាតិ៣ ថ្ងៃ ago
ស្គាល់អត្តសញ្ញាណយោធិន១៥រូប ចំណោមអ្នកស្លាប់២០រូប ក្នុងហេតុការណ៍ផ្ទុះឃ្លាំងគ្រាប់នៅកំពង់ស្ពឺ
-
ព័ត៌មានជាតិ១ សប្តាហ៍ ago
កម្ពុជានឹងធ្លាក់ភ្លៀង ៤០% នាដើមរដូវវស្សាឆ្នាំនេះ ខណៈក្រសួងប្រកាសឱ្យប្រុងប្រយ័ត្នបាតុភូត ផ្គរ រន្ទះ និងខ្យល់កន្ត្រាក់
-
ព័ត៌មានជាតិ៣ ថ្ងៃ ago
សម្ដេចធិបតី ឧបត្ថម្ភជូនគ្រួសារយោធិនដែលស្លាប់មួយគ្រួសារ៨០លានរៀល ឯអ្នករងរបួស២០លានរៀល
-
ព័ត៌មានជាតិ១ សប្តាហ៍ ago
តុលាការ បញ្ជាឱ្យចាប់ខ្លួនជនត្រូវចោទ ចោម ខ្វាន់ ពីបទរំលោភលើទំនុកចិត្តអ្នកដទៃ
-
សេចក្ដីជូនដំណឹង៧ ថ្ងៃ ago
អ្នកឧកញ៉ា ឡេង ណាវ៉ាត្រា បញ្ជាក់ច្បាស់ៗការដោះដូរ ផ្ទះយកដី គឺសម្រាប់តែអតិថិជនស្ម័គ្រចិត្ត ដែលពួកគាត់មានតម្រូវការចាំបាច់ចំណែកគម្រោង បុរី នៅតែប្រកាន់គោលជំហរបញ្ចប់ការដោះស្រាយជូនអតិថិជនទាំងស្រុងដដែល
-
ព័ត៌មានជាតិ៦ ថ្ងៃ ago
អតីតប្រធានអង្គការភូមិកុមារ SOS ធ្លាប់ជួយកុមារលើពិភពលោកជិត៣ទសវត្សរ៍ បានទទួលមរណភាព