ព័ត៌មានជាតិ

ព្រះនាងតូច ជេន ណា យាងជាអធិបតីភាព ក្នុងពិធីសម្ពោធហាងថ្មីរបស់ PAPA JOHN’S PIZZA

បានផុស

៣ years មុន

នៅ

ថ្ងៃអង្គារ ១០ ឧសភា ២០២២

ដោយ

កាលពីថ្ងៃទី៨ ខែឧសភា ឆ្នាំ២០២២ ព្រះនាងតូច នរោត្តម ជេនណា បានយាងជាអធិបតីភាព ក្នុងពិធីសម្ពោធហាងថ្មីរបស់ PAPA JOHN’S PIZZA សាខាបុរីប៉េងហួត បឹងស្នោ ដែលមានទីតាំងនៅ ភីអេច យូរ៉ូផាក។ ក្នុងកម្មវិធីនេះ ព្រះនាងក៏បានផ្តល់កិត្តិយស ក្នុងការសម្តែងទេពកោស្យសិល្បៈផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ព្រះនាងតូច ជេនណា ជាទូតសុឆន្ទៈរបស់ហាង PAPA JOHN’S PIZZA។ ដោយសារតែមានការគាំទ្រលើរសជាតិដ៏ឆ្ងាញ់ពិសាពីសំណាក់អតិថិជន បានធ្វើឲ្យហាង PAPA JOHN’S PIZZA សម្រេចបើកដំណើរការជាផ្លូវការនូវសាខាទី ៧ របស់ខ្លួនខាងលើនេះ។

នាយកប្រតិបត្តិរបស់ហាង PAPA JOHN’S PIZZA លោក Peter Xu បានមានប្រសាសន៍ថា លោកនឹងបើកសាខាទាំងអស់ យ៉ាងហោចណាស់ ១៥ ទីតាំងក្នុងព្រះរាជាណាចក្រកម្ពុជា ដើម្បីបង្កភាពងាយស្រាយដល់អតិថិជន ក្នុងការទិញ និងទទួលទាននូវភីហ្សាដ៏មានឱជារស។

ក្នុងថ្ងៃសម្ពោធ លោកស្រី Lauren Higgins តំណាងស្ថានទូតសហរដ្ឋអាមេរិកប្រចាំព្រះរាជាណាចក្រកម្ពុជា បានផ្តល់កិត្តិយសចូលរួមអបអរសាទរ ព្រមទាំងអញ្ជើញជាអធិបតីភាពក្នុងពិធីកាត់ខ្សែបូ រួមជាមួយព្រះនាងតូច ជេនណា ផងដែរ។ ក្នុងកម្មវិធីនេះ ព្រះនាងតូច ជេនណា បានផ្តល់កិត្តិយសច្រៀងចម្រៀងមួយបទជូនភ្ញៀវកិត្តិយសស្តាប់កម្សាន្ត ដោយបានឆ្លុះបញ្ចាំងឲ្យឃើញនូវទេពកោសល្យសិល្បៈរបស់ព្រះរាជវង្សានុវង្ស។

សូមជម្រាបថា ហាង PAPA JOHN’S PIZZA បានចូលមកព្រះរាជាណាចក្រកម្ពុជា ដោយនាំយកមកនូវគ្រឿងទេសពីប្រភពដើមពិតៗ។ ផ្លែប៉េងប៉ោះមានប្រភពដើមមកពីរដ្ឋកាលីហ្វ័រញ៉ាសហរដ្ឋអាមេរិក អូលីវខ្មៅនាំចូលពីប្រទេសអេស្ប៉ាញ ឈីសនាំចូលពី Mozzarella សាច់ម្សៅផលិតពីទឹកបរិសុទ្ធ និងស្រូវសាលីនិទាឃៈរដូវ ដែលធានាបាននូវភាពស្រស់ គុណភាពនិងរសជាតិដែលមិនអាចបំភ្លេចបាន៕