សម្ដេចតេជោ ហ៊ុន សែន ច្រានចោល​ការចោទប្រកាន់​មូលដ្ឋាន​កងទ័ពជើងទឹក​ចិននៅតំបន់រាម​ជាថ្មី

សម្ដេចតេជោ ហ៊ុន សែន​ នាយករដ្ឋមន្ត្រីកម្ពុជា​ នៅក្នុងជួបសំណេះសំណាលរវាង សម្តេចតេជោ ហ៊ុន សែន ជាមួយនឹងសហគមន៍ខ្មែរនៅអាមេរិក និងខ្មែរ នៅកាណាដានៅថ្ងៃទី ១២ ខែឧសភានេះ បានថ្លែងបញ្ជាក់ជាថ្មីម្ដងទៀត អំពីការសង្ស័យទៅលើបញ្ហាមូលដ្ឋានកងទ័ព​ជើងទឹករបស់ចិននៅតំបន់រាម។

សម្ដេចតេជោ ហ៊ុន សែន មានប្រសាសន៍ថា រដ្ឋធម្មនុញ្ញរបស់កម្ពុជា​ហាមឃាត់មិនឱ្យមានកងទ័ពបរទេសនៅលើទឹកដីរបស់ខ្លួននោះទេ​​ ហើយក៏មិនបញ្ជូនកទ័ពទៅក្រៅដែរ លើកលែងតែក្រោមឆ័ត្រអង្គការសហប្រជាជាតិ ដែលពេល​នេះ​កងទ័ពកម្ពុជា នៅលីបង់ ស៊ូដង់ខាងត្បូង ម៉ាលី និងអាហ្វ្រិកកណ្ដាល។

ប្រមុខដឹកនាំរាជរដ្ឋាភិបាលកម្ពុជា បានលើកឡើងចោទជាសំនួរថា ឥឡូវ​និយាយពីកម្ពុជាវិញ តើ​យើងត្រូវការកងទ័ពបរទេសយកមកធ្វើអ្វី?​ សម្ដេចតេជោ ហ៊ុន សែន “សេចក្ដីត្រូវការកម្ពុជា​នៅពេលនេះ គឺត្រូវការការវិនិយោគខាងសេដ្ឋកិច្ច អត់មានត្រូវការយកកងទ័ពទេ ខ្ញុំចង់កាត់រំសាយកងទ័ព ដើម្បីបង្វែការចិញ្ចឹមទ័ព បម្រើនៅក្នុងវិស័យអប់រំ និងសុខាភិបាលវិញ”៕

អត្ថបទ៖ ឡេង ដេត