ព័ត៌មានជាតិ

ក្រសួងបង្គាប់ឱ្យអាជ្ញាធរបញ្ឈប់ការចាក់ដីលុបស្ទឹងក្រាំងពន្លៃ និងស្ដារឱ្យដូចដើមបញ្ចៀសទឹកជំនន់

បានផុស

៤ years មុន

នៅ

ថ្ងៃព្រហស្បតិ៍ ២ មិថុនា ២០២២

ដោយ

ក្រសួងធានធានទឹក និងឧតុនិយម នៅថ្ងៃទី ២ ខែមិថុនា ២០២២ នេះ បានណែនាំឲ្យអាជ្ញាធរថ្នាក់ក្រោមជាតិបញ្ឈប់ការចាក់ដីលុបស្ទឹងក្រាំងពន្លៃស្ទឹងក្រាំងពន្លៃ ហើយស្នើឱ្យអាជ្ញាធរ និងក្រុមហ៊ុនឯកជនស្ដារកែលម្អស្ទឹងឱ្យដូចដើមឡើងវិញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចំណាត់ការនេះ បានធ្វើឡើងក្នុងកិច្ចប្រជុំមួយតាមរយៈ Video Conference ដឹកនាំដោយលោក ចាន់ ស៊ីណាត រដ្ឋលេខាធិការនៃក្រសួងធនធានទឹក និងឧតុនិយម ជាមួយប្រធានមន្ទីរធនធានទឹក ខេត្តកណ្ដាល កំពង់ឆ្នាំង និងកំពង់ស្ពឺនៅថ្ងៃទី ២ ខែមិថុនា ២០២២។

ជាកិច្ចប្រជុំដើម្បីត្រួតពិនិត្យលើវឌ្ឍនភាពនៃគម្រោងអភិវឌ្ឍន៍ស្ទឹងក្រាំងពន្លៃ ដែលលាតសន្ធឹងពីតំបន់អមលាំងខេត្តកំពង់ឆ្នាំង មកដល់ស្រុកពញាឮ ខេត្តកណ្តាល។ ម្យ៉ាងទៀត កិច្ចប្រជុំនេះក៏រៀបចំឡើងដើម្បីធានាឲ្យខាងតែបានលើសន្តិសុខទឹកក្នុងគ្រប់វិស័យកាត់បន្ថយនូវគ្រោះទឹកជំនន់ដោយទឹកភ្លៀង និងទឹកទន្លេ។

លោក ចាន់ ស៊ីណាត បានធ្វើការណែនាំជាបន្ទាន់ឲ្យអាជ្ញាធរថ្នាក់ក្រោមជាតិរបស់ខេត្តទាំងបីខាងលើ និងក្រុមហ៊ុនពាក់ព័ន្ធទាំងអស់បញ្ឈប់ជាបន្ទាន់នូវការចាក់ដីលុបស្ទឹងក្រាំងពន្លៃ និងការដាក់ថ្មធំតូចលុបមុខទឹកស្ទឹងក្រាំងពន្លៃ និងឲ្យធ្វើការកែលម្អឡើងវិញឲ្យបានដូចដើមលើទង្វើដែលបានប្រព្រឹត្តកន្លងមក៕