ព័ត៌មានជាតិ

បច្ចុប្បន្នភាពចុងក្រោយ ១ សប្ដាហ៍ នៃការរកឃើញករណីឆ្លង កូវីដ-១៩ ឡើងវិញ

បានផុស

៤ years មុន

នៅ

ថ្ងៃអង្គារ ៥ កក្កដា ២០២២

ដោយ

ត្រឹមតែរយៈពេល ១សប្ដាហ៍ចុងក្រោយនេះ តាមរយៈម៉ាស៊ីន PCR ព្រះរាជាណាចក្រកកម្ពុជា បានរកឃើញប្រជាពលរដ្ឋឆ្លងជំងឺកូវីដ-១៩ ប្រភេទ អូមីក្រុង នៅក្នុងសហគមន៍ ចំនួន ៣៦ ករណី ក្នុងចំណោម ករណីឆ្លងសរុបចំនួន ៣៩ ករណី ដែលការឆ្លងពីក្រៅប្រទេស មានចំនួន ៣ ករណី។ ចំពោះករណីក្នុងសហគមន៍នោះ ត្រូវបានរកឃើញពេលពួកគេទៅសុំវិញ្ញាបនបត្រចេញទៅក្រៅប្រទេស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជារៀងរាល់ថ្ងៃ បន្ទាប់ពីប្រមូលទិន្នន័យឆ្លងជំងឺកូវីដ-១៩ ទូទាំងប្រទេស ត្រឹមយប់ថ្ងៃម្សិលមិញ ក្រសួងសុខាភិបាលតែងបានបង្ហាញទិន្នន័យ។ ជាក់ស្ដែង នៅថ្ងៃទី ៥ ខែកក្កដានេះ ក្រសួងបានបង្ហាញ៖

១. នៅថ្ងៃទី ៤ ខែមិថុនា ឆ្នាំ ២០២២ នេះ រកឃើញករណីឆ្លងក្នុងសហគន៍ចំនួន ៣ នាក់ ក្នុងចំណោមករណីឆ្លងថ្មីសរុប ៣ នាក់។

ជាមួយគ្នានេះ តួលេខឆ្លង រយៈពេល ៦ ថ្ងៃទៀត មានដូចជា៖

២. នៅថ្ងៃទី ៣ ខែកក្កដា ឆ្នាំ ២០២២ នេះ រកឃើញករណីឆ្លងក្នុងសហគន៍ចំនួន ២ នាក់ ក្នុងចំណោមករណីឆ្លងថ្មីសរុប ២ នាក់។

៣. នៅថ្ងៃទី ២ ខែកក្កដា ឆ្នាំ ២០២២ នេះ រកឃើញករណីឆ្លងក្នុងសហគន៍ចំនួន ៥ នាក់ ក្នុងចំណោមករណីឆ្លងថ្មីសរុប ៦ នាក់។

៤. នៅថ្ងៃទី ១ ខែកក្កដា ឆ្នាំ ២០២២ នេះ រកឃើញករណីឆ្លងក្នុងសហគន៍ចំនួន ៨ នាក់ ក្នុងចំណោមករណីឆ្លងថ្មីសរុប ៨ នាក់។

៥. នៅថ្ងៃទី ៣០ ខែមិថុនា ឆ្នាំ ២០២២ នេះ រកឃើញករណីឆ្លងក្នុងសហគន៍ចំនួន ៣ នាក់ ក្នុងចំណោមករណីឆ្លងថ្មីសរុប ៣ នាក់។

៦. នៅថ្ងៃទី ២៩ ខែមិថុនា ឆ្នាំ ២០២២ នេះ រកឃើញករណីឆ្លងក្នុងសហគន៍ចំនួន ៧ នាក់ ក្នុងចំណោមករណីឆ្លងថ្មីសរុប ៧ នាក់។

៧. នៅថ្ងៃទី ២៨ ខែមិថុនា ឆ្នាំ ២០២២ នេះ រកឃើញករណីឆ្លងក្នុងសហគន៍ចំនួន ៨ នាក់ ក្នុងចំណោមករណីឆ្លងថ្មីសរុប ១០ នាក់។

គិតត្រឹមការប្រកាសរបស់ក្រសួងសុខាភិបាល នៅថ្ងៃនេះ កម្ពុជារកឃើញអ្នកឆ្លងជំងឺកូវីដ១៩៖ សរុបចំនួន ១៣៦ ៣០១ នាក់, អ្នកជាសះស្បើយសរុបចំនួន ១៣៣ ២០៦ នាក់, ស្លាប់សរុបចំនួន ៣ ០៥៦ នាក់។

គួររំលឹកថា វីរុសកូវីដ-១៩បំប្លែងថ្មី អូមីក្រុង ត្រូវបានរកឃើញឆ្លងរាលចូលក្នុងសហគមន៍ជាលើកដំបូង នៅថ្ងៃទី០៨ ខែមករា ឆ្នាំ២០២២។ បន្ទាប់ពីមិនមានរកឃើញអ្នកឆ្លងចំនួន ៥២ ថ្ងៃជាប់គ្នារួចមក សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា នាយប់មិញ ថ្ងៃទី២៨ ខែមិថុនា ឆ្នាំ២០២២ បានចេញសារជាសំឡេងបានបញ្ជាក់ថា កម្ពុជាបានពិនិត្យឃើញអំពីការឆ្លង ជំងឺកូវីដ-១៩ នៅក្នុងសហគមន៍ឡើងវិញ។ ជាមួយគ្នានោះសម្ដេចតេជោ បានអំពាវនាវដល់ប្រជាពលរដ្ឋ ឱ្យមានការប្រុងប្រយ័ត្ន ក្នុងការការពារសុខភាពផ្ទាល់ខ្លួន នៅគ្រប់ទីកន្លែងទាំងអស់ ហើយត្រូវមានវិធានការហ្មត់ចត់ ដើម្បីបញ្ចៀសនូវការរីករាលដាល ចូលទៅក្នុងសហគមន៍ និងចូលទៅក្នុងគ្រួសារ។ រដ្ឋាភិបាលបានជ្រើសរើសយកការចាក់វ៉ាក់សាំងកូវីដ-១៩ និងការអនុវត្តវិធានការសុខាភិបាល ៣កុំ ៣ការពារ ជាមធ្យោបាយចម្បងក្នុងការទប់ស្កាត់ និងប្រយុទ្ធប្រឆាំងជំងឺកូវីដ-១៩៕

អត្ថបទ៖ ច័ន្ទ វីរៈ