កីឡា

ម្ចាស់មេដាយប្រាក់ ហៀ ហុក ប្តេជ្ញាយកមេដាយមាសពីថៃពេលអាស៊ានប៉ារ៉ាហ្គេមនៅកម្ពុជា

បានផុស

៤ years មុន

នៅ

ថ្ងៃចន្ទ ១ សីហា ២០២២

ដោយ

នៅរសៀល ថ្ងៃទី១ ខែសីហា កីឡាករអត្តពលកម្មជនពិការកម្ពុជា ហៀ ហុក បានឈ្នះមេដាយប្រាក់ សម្រាប់ការប្រកួតវិញ្ញាសាប្រណាំងរទេះចម្ងាយ១០០ម៉ែត្រ ប្រភេទ T53 នៅព្រឹត្តិការណ៍អាស៊ានប៉ារ៉ាហ្គេម លើកទី១១ ឆ្នាំ២០២២ នៅទីក្រុងសូឡូ ប្រទេសឥណ្ឌូនេស៊ី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សម្រាប់ការប្រកួតប្រភេទវិញ្ញាសាប្រណាំងរទេះចម្ងាយ១០០ម៉ែត្រ ប្រភេទ T53 នេះ មេដាយមាសបានទៅកីឡាករជនពិការថៃ មេដាយប្រាក់បានមកកីឡាករពិការកម្ពុជា និងមេដាយសំរឹទ្ធបានទៅកីឡាករពិការថៃ។

កីឡាករពិការ ហៀ ហុក ទើបតែចូលរួមប្រកួតក្នុងព្រឹត្តិការណ៍អាស៊ានប៉ារ៉ាហ្គេមលើកដំបូង ប៉ុន្តែធ្វើបានល្អបញ្ចប់នៅចំណាត់ថ្នាក់លេខ២ ដោយទទួលបានមេដាយប្រាក់។ ក្រោយពេលទទួលបានមេដាយប្រាក់កីឡាករជនពិការរូបនេះបានប្តេជ្ញាធ្វើឲ្យល្អបំផុតដើម្បីដណ្តើមយកមេដាយមាសឲ្យខាងតែបានពោលគឺមិនឲ្យធ្លាក់ទៅកីឡាករជនពិការថៃទៀតទេ។

ហៀ ហុក បាននិយាយថា៖ «ពេលនេះខ្ញុំមានអារម្មណ៍សប្បាយរីករាយខ្លាំងណាស់ដែលទទួលបានមេដាយប្រាក់។ ខ្ញុំនឹងខិតខំហ្វឹកហាត់ ហើយធ្វើឲ្យបានល្អបំផុតដើម្បីយកមេដាយមាសឲ្យបាន ដោយមិនឲ្យធ្លាក់ទៅកីឡាករថៃទេសម្រាប់អាស៊ានប៉ារ៉ាហ្គេម ឆ្នាំ២០២៣នៅប្រទេសកម្ពុជា»។

សូមបញ្ជាក់ថា កីឡាករជនពិការកម្ពុជា ហៀ ហុក នៅមាន២វិញ្ញាសាទៀតដែលត្រូវប្រកួតបន្តបន្ទាប់ក្នុងព្រឹត្តិការណ៍អាស៊ានប៉ារ៉ាហ្គេម លើកទី១១ ឆ្នាំ២០២២ នៅទីក្រុងសូឡូ ប្រទេសឥណ្ឌូនេស៊ី៕

អត្ថបទ៖ វីរបុត្រ

Related Topics: