ព័ត៌មានជាតិ

ដាំអំពៅជាដំណាំយុទ្ធសាស្ត្រ តម្រូវការទីផ្សារគ្រប់រដូវ

បានផុស

៥ years មុន

នៅ

ថ្ងៃសុក្រ ២៥ ធ្នូ ២០២០

ដោយ

អំពៅជាដំណាំយុទ្ធសាស្ត្រយូរអង្វែងដោយប្រជាពលរដ្ឋដាំជាលក្ខណៈគ្រួសារ ដោយបច្ចុប្បន្នដាំនៅខេត្ត កំពង់សឺ្ព កំពង់ចាម ព្រៃវែង កោះកុង កណ្តាល។ល។ ដែលជាដំណាំយុទ្ធសាស្ត្រមួយបម្រើឲ្យសេដ្ឋកិច្ចក្នុងស្រុក និងជួយកាត់បន្ថយការនាំចូលពីក្រៅស្រុកផ្តល់ឱកាសការងារ និងមានទីផ្សារគ្រប់រដូវ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមការបញ្ជាក់របស់លោក លី ហួត កសិករដែលដាំអំពៅលើផ្ទៃដីទំហំ២០អា អាចដាំអំពៅជាង១ពាន់ដើម ដោយគុម្ពនីមួយៗទទួលបានផលពី១២ដើមទៅ១៥ដើម ក៏ប៉ុន្តែត្រូវការថែទាំច្រើនទើបបានផលល្អ។អំពៅដែលគាត់ដាំចាប់ផ្តើមកាប់លក់នៅលើទីផ្សារចាប់ពីខែកក្កដាដល់ខែតុលា។

ដោយឡែកលោក ផុន ជាអ្នកដឹកជញ្ជូនអំពៅយកទៅបោះដុំលើទីផ្សារតាខ្មៅ បានឲ្យដឹងថា ក្រោយពីប្រមូលផលអំពៅពីខែកក្កដា ដល់ខែតុលាក៏នៅមានរដូវខ្លះទៀតបន្តប្រមូលផលអំពៅមានក្នុងខេត្តកំពង់ចាមនិងព្រៃវែងចាប់ពីខែវិច្ឆិកាដល់ខែធ្នូ ដោយរក្សាបំពេញតម្រូវការក្នុងស្រុកបានគ្រប់រដូវកាលផងដែរ។

បងស្រី វ៉ន ជាអាជីវករលក់អំពៅក្នុងស្តង់ផ្សារក្រុងតាខ្មៅបានឲ្យដឹងថា អំពៅនាំចូលពីស្រុកកៀនស្វាយ និងស្រុកស្អាងដែលអាចលក់បានក្នុង១ថ្ងៃពី៥០បាច់ទៅ៦០បាច់ ដោយក្នុង១បាច់លក់បានថ្លៃជាង១ម៉ឺនរៀល។ ប្រភេទអំពៅជាប្រភេទអំពៅស្ករដែលអ្នកទិញភាគច្រើនទិញកិនជាទឹកអំពៅលក់បន្តទៀត។ បងស្រីបន្តទៀតថា មិនថាអំពៅនាំចូលពីខេត្តណានោះទេដោយប្រភេទអំពៅទាំងនោះមានតម្លៃដូចៗគ្នា៕

អត្ថបទ ៖ កញ្ញា វ៉ាត

Related Topics: