ព័ត៌មានជាតិ

គិតត្រឹមម៉ោង៤រសៀលថ្ងៃនេះ មានករណីគ្រោះថ្នាក់ចរាចរណ៍ចំនួន៨លើក ស្លាប់ចំនួន១០នាក់

បានផុស

៥ years មុន

នៅ

ថ្ងៃសុក្រ ២៥ ធ្នូ ២០២០

ដោយ

លោកឧត្តមសេនីយ៍ឯក ឆាយ គឹមខឿន អគ្គស្នងការរង និងជាអ្នកនាំពាក្យអគ្គស្នងការដ្ឋាននគរបាលជាតិ បានឲ្យដឹងនៅរសៀលថ្ងៃនេះថា គិតត្រឹមម៉ោង៤ រសៀលថ្ងៃទី២៥ ខែធ្នូ ឆ្នាំ២០២០នេះ សមត្ថកិច្ចនគរបាល បានរកឃើញយានយន្តរបស់ច្បាប់ចំនួន៩៥៧ គ្រឿង ក្នុងនោះម៉ូតូចំនួន៦៤៨គ្រឿង និងរថយន្តចំនួន៣០៩ គ្រឿង។

បើតាមលោកឧត្តមសេនីយ៍ ឆាយ គឹមខឿន ក្នុងចំណោមយានយន្តទាំង៣០៩គ្រឿងនោះ មានយានយន្តតូចចំនួន២៥០គ្រឿង និងយានយន្តធំចំនួន៥៩ គ្រឿង ហើយក្នុងចំណោមយានយន្តទាំងនោះ មានល្មើសល្បឿនចំនួន៥៨គ្រឿង, អត់មានបើកបរចំនួន១៣នាក់, ល្មើសញ្ញាចំនួន១៩ គ្រឿង, បើកបរអត់ខ្សែដាក់ខ្សែក្រវាត់ចំនួន១៥៤នាក់, លើសចំណុះចំនួន១៦ គ្រឿង, បើកបរក្នុងស្ថានភាពស្រវឹងចំនួន២នាក់, អត់ស្លាកលេខចំនួន១៣ គ្រឿង និងបើកបរប្រើទូរសព្ទចំនួន៣៤នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចំណែកម៉ូតូល្មើសទាំង៦៤៨គ្រឿងនោះ បើកបរដោយអត់មួកសុវត្ថិភាពចំនួន៥៧៣នាក់, បើកបរល្មើសសញ្ញាចំនួន៤៣គ្រឿង, លើសចំណុះចំនួន១គ្រឿង, បើកបរក្នុងស្ថានភាពស្រវឹងចំនួន៦នាក់, បើកបរដោយគ្មានស្លាកលេខចំនួន៤គ្រឿង និងបើកបរប្រើទូរស័ព្ទចំនួន២១នាក់។

លោកឧត្តមសេនីយ៍ ឆាយ គឹមខឿន បានឲ្យដឹងដែរថា នៅថ្ងៃនេះ មានករណីគ្រោះថ្នាក់ចរាចរណ៍ចំនួន៨លើក ក្នុងនោះស្លាប់ចំនួន១០នាក់ របួសចំនួន១០នាក់ ក្នុងនោះរបួសធ្ងន់ចំនួន៨នាក់ ហើយករណីគ្រោះថ្នាក់ចរាចរណ៍នេះ បានកើតឡើងនៅតាមរាជធានី ខេត្តចំនួន៦។

សូមបញ្ជាក់ថា គិតត្រឹមម៉ោង៤ រសៀលថ្ងៃទី២៤ ខែធ្នូ ឆ្នាំ២០២០ម្សិលមិញ សមត្ថកិច្ចនគរបាល បានរកឃើញយានយន្តល្មើសច្បាប់ចំនួន៩៥៣ គ្រឿង ក្នុងនោះម៉ូតូចំនួន៦៧៨គ្រឿង និងរថយន្តចំនួន២៧៥ គ្រឿង៕
ដោយ ៖ កោះកែវ

Related Topics:

សេចក្ដីជូនដំណឹង៥ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា