សន្តិសុខសង្គម

អគ្គិភ័យឆេះឡសម្ងួតសាយឡូពោធ៍ មួយកន្លែងនៅស្រុកភ្នំព្រឹក បាត់បង់ថវិកា៣មុឺនដុល្លារ

បានផុស

៤ years មុន

នៅ

ថ្ងៃសៅរ៍ ២៧ សីហា ២០២២

ដោយ

ឡសម្ងួតសាយឡូមួយកន្លែងក្នុងស្រុកភ្នំព្រឹក ត្រូវបានអគ្គិភ័យឆាបឆេះយ៉ាងសន្ធោសន្ធៅ នៅថ្ងៃទី២៧ ខែសីហា ឆ្នាំ ២០២២ នេះ វេលាម៉ោង៦និង៤៥នាទីព្រឹក ដែលហេតុការនេះកើតឡើងនៅឡសម្ងួតក្នុងសាយឡូ”ធានប៉រ”ស្ថិតនៅភូមិភ្នំតូច ឃុំពេជ្រចិន្តា ស្រុកភ្នំព្រឹក ខេត្តបាត់ដំបង ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកវរសេនីយ៍ទោ ហេង បារាំង អធិការនគរបាលស្រុកភ្នំព្រឹក បានឲ្យដឹងថា ក្រោយទទួលបានពត៌មានខាងលើ
នេះភ្លាមៗនោះ លោកបានដឹកនាំកម្លាំងជំនាញផ្នែកពន្លត់អគ្គិភ័យស្រុកភ្នំព្រឹក សហការជាមួយលោកអភិបាលរងស្រុកភ្នំព្រឹក កម្លាំងនគរបាលនៃអធិការដ្ឋាននគរបាលស្រុកកំរៀង ដែលមានលោកវរសេនីយ៍ទោ វេ គឹមចត់ ជាអធិការ រួមជាមួយកម្លាំងមូលដ្ឋាន កងរាជអាវុធហត្ថស្រុកភ្នំព្រឹក ព្រមទាំងពលរដ្ឋ និងអាជ្ញាធរមូលដ្ឋានផងបានធ្វើការពន្លត់ជួយជ្រុំជ្រេងអន្តរាគមន៍ដើម្បីគ្រប់គ្រងសភាពការណ៍បាននៅវេលាម៉ោងប្រមាណ៩និង៣៥នាទី ដោយប្រើប្រាស់រថយន្តចំនួន ០២គ្រឿងហើយប្រើប្រាស់ទឹកចំនួន០៥រថយន្តទើបគ្រប់គ្រងបានទាំងស្រុង។

លោកថា ចំពោះមូលហេតុដែលនាំឱ្យកេីតមានអគ្គិភ័យនេះ គឺបណ្តាលមកពីម្ចាស់សាយឡូមិនបានប្រមូលលំអងពោតដែលសម្ងួតហេីយចេញពីឡសម្ងួតឱ្យអស់ទេីបបង្កឱ្យកេីតគ្រោះអគ្គិយនេះហេីយចំពោះការខូចខាតសរុបគឹតជាប្រាក់អស់ប្រមាណ៣០,០០០ដុល្លា( បីមុឺនដុល្លាអាមេរិច)ប៉ុន្តែអគ្គិភ័យនេះមិនបានបណ្តាលឱ្យមានគ្រោះថ្នាក់ដល់មនុស្សណាម្នាក់នោះទេ៕

អត្ថបទ៖ សៅ សារិទ្ធ