The Weeknd លុបចោលការប្រគំតន្រ្តីភ្លាមៗ ក្រោយទើបច្រៀងបាន ៣ បទកន្លះ

តារាចម្រៀង The Weeknd បានលុបចោលការប្រគំតន្ត្រីរបស់ខ្លួនភ្លាមៗនៅទីក្រុង Los Angeles ព្រមទាំងសុំទោសទាំងទឹកភ្នែកទៅកាន់អ្នកគាំទ្រ ដោយសារតែបញ្ហាសំឡេងរបស់លោក ក្រោយច្រៀងបាន ៣ បទកន្លះ ។

តារាវ័យ ៣២ ឆ្នាំរូបនេះបាននិយាយសុំទោសទាំងដែលសំឡេងស្អកទៅកាន់ទស្សនិកជនចំនួន ៧០,០០០ នាក់ដែលមានការងឿងឆ្ងល់ និងខកចិត្តក្នុងការចូលរួមការប្រគុំតន្ត្រី ”The Weeknd After Hours Til Dawn Tour” ថា “ខ្ញុំផ្ទាល់ចង់សុំទោសអ្នករាល់គ្នា ខ្ញុំមិនដឹងថាមានអ្វីកើតឡើង នៅពេលដែលខ្ញុំស្រែកច្រៀងនោះទេ ប៉ុន្តែខ្ញុំគ្រាន់ដឹងថា សំឡេងរបស់ខ្ញុំមានបញ្ហា ។

The Weeknd បានបន្ថែមទៀតថា “ការបញ្ឈប់ការសម្ដែងនេះដូចជាសម្លាប់ខ្ញុំអញ្ចឹង ។ សុំទោសដែលខ្ញុំមិនអាចផ្តល់ការប្រគំតន្ត្រីដ៏ល្អដល់អ្នកទាំងអស់គ្នាបាននៅពេលនេះ ។ ខ្ញុំសង្ឃឹមថា អ្នករាល់គ្នានឹងទទួលបានប្រាក់របស់អ្នកវិញ ហើយខ្ញុំក៏នឹងរៀបចំការប្រគុំតន្ត្រីម្តងទៀតនាពេលឆាប់ៗនេះ” ។

យ៉ាងណាមិញ មិនមានព័ត៍មានអ្វីបន្ថែមទាក់ទងអំពីស្ថានភាពបញ្ហាសំឡេង ក៏ដូចកាលបរិច្ឆេទថ្មីសម្រាប់ការប្រគំតន្ត្រីម្តងទៀតរបស់ The Weeknd នៅទីក្រុង Los Angeles នោះទេ ៕

ប្រែសម្រួលដោយ ៖ នាងតូច

ចុចអាន៖Kanye West សារភាពថា ញៀនសិច និងចូលចិត្តមើលរឿងអាសអាភាស ក្រោយលែងលះជាមួយភរិយា