ព័ត៌មានអន្ដរជាតិ

កូរ៉េខាងជើង នឹងឆ្លើយតបដោយគ្មានមេត្តា ចំពោះសមយុទ្ធកូរ៉េខាងត្បូង និងអាមេរិក

បានផុស

២ years មុន

នៅ

ថ្ងៃចន្ទ ៧ វិច្ឆិកា ២០២២

ដោយ

យោធាកូរ៉េខាងជើងបាននិយាយនៅថ្ងៃចន្ទនេះថា នាពេលថ្មីៗកូរ៉េខាងត្បូង-អាមេរិក បានធ្វើសមយុទ្ធយោធាដែនអាកាសរួមគ្នា គឺជាការបង្កហេតុបើកចំហ និងសមយុទ្ធសង្គ្រាមដ៏គ្រោះថ្នាក់ ដែលខ្លួនត្រូវឆ្លើយតបគ្មានមេត្តា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមទីភ្នាក់ងារសារព័ត៌មានមជ្ឈិមកូរ៉េ (KCNA) បានរាយការណ៍ថា អគ្គសេនាធិការនៃកងទ័ពប្រជាជនកូរ៉េបាននិយាយថា សមយុទ្ធ Vigilant Storm “គឺជាការញុះញង់បើកចំហ ដែលមានគោលបំណងបង្កើនភាពតានតឹងដោយចេតនា និងសមយុទ្ធសង្គ្រាមដ៏គ្រោះថ្នាក់ខ្លាំងបំផុត” ។

យ៉ាងណាមិញ អ្នកជំនាញនិយាយថា ទីក្រុងព្យុងយ៉ាងមានភាពរសើប ជាពិសេសចំពោះសមយុទ្ធ Vigilant Storm ពីព្រោះកម្លាំងទ័ពអាកាសរបស់ខ្លួនដែលខ្វះយន្តហោះមានបច្ចេកវិទ្យាខ្ពស់ និងអ្នកបើកយន្តហោះដែលបានទទួលការបណ្ដុះបណ្ដាលត្រឹមត្រូវ គឺជាផ្នែកមួយខ្សោយបំផុត នៃយោធារបស់ខ្លួន។

សូមបញ្ជាក់ថា សហរដ្ឋអាមេរិក និងកូរ៉េខាងត្បូង បានសម្រេចចិត្តបន្តធ្វើសមយុទ្ធយោធាជាការឆ្លើយតបទៅនឹងការបាញ់មីស៊ីលនាពេលថ្មីៗនេះពីកូរ៉េខាងជើង ដោយផ្តល់ការព្រមានយ៉ាងម៉ឺងម៉ាត់ដល់មេដឹកនាំ លោក គីម ជុងអ៊ុន ប្រសិនបើគាត់ធ្វើតេស្ដនុយក្លេអ៊ែរ៕

ប្រែសម្រួល៖ សាង ស្រីល័ក្ខ

ប្រភព៖Al Jazeera

ចុចអាន៖លោក Zelensky ចោទ អ៊ីរ៉ង់ បែបណា រឿងបញ្ជូនយន្តហោះឲ្យ រុស្ស៊ី