ការពិត ៩ យ៉ាងគួរដឹងពី Jenna Ortega តួរឿង Wednesday

រឿង “Wednesday” ទើបតែចេញនៅថ្ងៃទី២៣ ខែវិច្ឆិកា ឆ្នាំ២០២២ ថ្មីៗនេះ ទទួលបានការគាំទ្រពីសំណាក់មហាជនមួយទំហឹងតែម្ដង។ តួអង្គឯករបស់យើងគឺក្មេងស្រី Wednesday សម្ដែងដោយ Jenna Ortega ក៏កំពុងទទួលបានប្រជាប្រិយភាពពេញទីផងដែរ ខាងក្រោមនេះគឺជាការពិតមួយចំនួនគួរដឹងពីគាត់៖

១. Jenna កើតនៅថ្ងៃទៅ២៧ ខែកញ្ញា ឆ្នាំ ២០០២ តារានិករ Libra 

២. គាត់ទើបតែមានអាយុ ២០ឆ្នាំប៉ុណ្ណោះ ប៉ុន្តែធ្វើការក្នុងវិស័យភាពយន្តហូលីវូដ ១០ឆ្នាំហើយ ព្រោះ Jenna ចូលសម្ដែងលើកទីមួយកាលពីអាយុ ១០ឆ្នាំ ក្នុងរឿង “Rob” ឆ្នាំ២០១២

៣. តារាសម្ដែងរូបនេះជាកូនកាត់ម៉ិកស៉ិកនិងព័រតូរីកា

៤. កាលពីអាយុ ៧ឆ្នាំ Jenna បានធ្វើវីដេអូសម្ដែងបង្ហោះ Facebook ពេលនោះគាត់ទទួលការចាប់អារម្មណ៍ និងផ្ដល់ឱកាសពីមិត្តភក្តិគ្រួសារម្នាក់ដែលធ្វើការជាភ្នាក់ងាររើសតួសម្ដែង

៥. ដំបូង Jenna រៀននៅសាលារដ្ឋក្នុងរដ្ឋខាលីហ្វរញ៉ាទេ រហូតដល់ពេលគាត់រវល់ការងារសិល្បៈពេកក៏ប្ដូរមករៀននៅផ្ទះវិញ

៦. នាងចាប់ផ្ដើមផ្សាយពាណិជ្ជកម្មដំបូងឲ្យក្រុមហ៊ុន Colgate និង Old Navy មួយឆ្នាំក្រោយមក គាត់ក្លាយជា “McDonald’s Girl” ផ្សព្វផ្សាយឲ្យក្រុមហ៊ុនអាហារសម្រន់ McDonald

៧. Jenna ធ្លាប់ធ្វើកោសល្យវិច័យលើសាកសពសត្វងាប់កាលពីនៅក្មេង

៨. Jenna ចូលចិត្តសុកូឡាខ្លាំងណាស់

៩. គេប្រៀបធៀបគាត់នឹងតួអង្គ Wednesday យូរមកហើយ ព្រោះបុគ្គលិកលក្ខណៈមានភាពស្រដៀងគ្នាមែន

កុំភ្លេចចូលទស្សនារឿង “Wednesday” ក្នុង Netflix ទាំងអស់គ្នាណា!

ប្រែសម្រួលដោយ៖ វារី

ចុចអាន៖ ១០ យ៉ាងពី Paris Hilton តារាស្រីហូលីវូដជើងចាស់តែខ្លឹម