J-Hope សមាជិក BTS នឹងសម្តែងក្នុងកម្មវិធីចុងឆ្នាំឲ្យទូរទស្សន៍ ABC

ទីភ្នាក់ងារកម្សាន្ត Big Hit Music បាននិយាយកាលពីថ្ងៃសុក្រថា J-Hope នៃសមាជិក BTS នឹងសម្តែងនៅក្នុងកម្មវិធី “Dick Clark’s New Year’s Rockin’ Eve” ដែលជាកម្មវិធីពិសេសប្រចាំឆ្នាំរបស់ទូរទស្សន៍ ABC TV ។

យោងទៅតាមទីភ្នាក់ងារនេះបាននិយាយនៅលើ Twitter របស់ BTS ថា J-Hope នឹងច្រៀង ៣ បទនៅក្នុងកម្មវិធីនេះ ហើយបទចម្រៀងទោលរបស់លោកទាំងនោះរួមមាន Equal Sign ក្នុងអាល់ប៊ុម “Jack in the Box” និងបទ “Chicken Noodle Soup” ដែលសហការណ៍គ្នាជាមួយតារាចម្រៀង Becky G ខណៈបទចុងក្រោយគឺ Holiday Remix របស់ BTS ក្នុងអាល់ប៊ុម “Butter” ដោយលោកត្រៀមសម្តែងនៅលើឆាកក្នុងទីក្រុង New York នៅថ្ងៃទី ៣១ ខែធ្នូ ។

យ៉ាណាមិញ នេះមិនមែនជាលើកទីមួយទេដែល J-Hope សម្តែងនៅលើឆាកអន្តរជាតិ ដោយកាលពីខែកក្កដា សមាជិក BTS រូបនេះបានទម្លាក់អាល់ប៊ុមទោលដំបូងរបស់លោក “Jack in the Box” ហើយបានឡើងសម្តែងនៅលើឆាកសំខាន់ៗនៃពិធីបុណ្យតន្ត្រី Lollapalooza នៅទីក្រុង Chicago ផងដែរ ៕

ប្រែសម្រួល ៖ នាងតូច

ចុចអាន ៖ Taeyeon មេក្រុម SNSD ជាប់ឈ្មោះលើបញ្ជី ‘The Best K-Pop ‘ក្នុងទស្សនាវដ្តី TIME