ជីវិតកម្សាន្ដ

ឆ្នាំថ្មី Bella Ranee ជាប់រហស្សនាមជានារីចិត្តបុណ្យសន្សំកុសល

បានផុស

៣ years មុន

នៅ

ថ្ងៃចន្ទ ១៣ កុម្ភៈ ២០២៣

ដោយ

បន្ទាប់ពីបែកបាក់ចំណងស្នេហ៍ជាមួយអតីតមិត្តប្រុស Bella Ranee ហាក់សម្រុកធ្វើបុណ្យ មិនថាជាមួយអ្នកម្ដាយ ម្នាក់ឯងក្ដី ឬជាមួយនឹងមនុស្សជិតស្និទ្ធ ជារឿយៗមហាជនតែងឃើញនាងបង្ហោះពីវត្តអារាម និងការតាំងសមាធិជានិច្ច។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យ៉ាងណាមិញ ផ្អែកតាមការឡើងឡើងនិងការបង្ហោះរបស់តារាសម្ដែង Bella Ranee នាងបង្ហើបថា រាប់តាំងពីធ្វើបុណ្យជាមួយអ្នកម្ដាយជាមួយក្រុមមិត្តឬអ្នកស្គាល់គ្នា សរុបក្នុងមួយឆ្នាំគឺបាន៦៨វត្តឯណោះ ដែលនាងសុំបន្តធ្វើដោយគ្មានកំណត់ទេ ក្នុងឆ្នាំនេះ។

តារាសម្ដែងប្រចាំប៉ុស្តិ៍លេខ៣ថៃរូបនេះ ក៏បានបន្ថែមទៀតថា យើងមានកម្លាំងគ្រប់គ្រាន់ មានប្រាក់ទៅវត្ត មានប្រាក់សាងសង់មន្ទីរពេទ្យ និងសាលារៀន អ្នកណាត្រូវការជំនួយ Bella ខ្លួនឯងជាអ្នកផ្ទេរលុយជួយ។ យើងចង់ជួយតាមដែលអាចធ្វើបាន។

ក្រោយឮហើយអ្នកគាំទ្ររបស់ Bella Ranee ហាក់មានក្ដីរំភើបនឹងនារីចិត្តបុណ្យរូបនេះជាខ្លាំង មិនត្រឹមមានសម្រស់ស្រស់ស្អាត ប៉ុន្តែនាងពិតជាមនុស្សស្រីមានគុណធម៌ពិតៗ ដែលចេះចែករំលែកដល់អ្នកក្រ មិនមែនត្រឹមធ្វើបុណ្យតាមវត្តអារាមមួយមុខនោះទេ។ ជាមួយគ្នានេះដែរ មហាជនខ្លះក៏បានចូលមកបញ្ចេញមតិស្របនឹងនាង ហើយចាំគាំទ្រ Bella មិនថានាងទៅទីណាឡើយ៕