Connect with us

ព័ត៌មានអន្ដរជាតិ

លោក គីម ជុងអ៊ុន បញ្ជាឲ្យបង្កើនការផលិតសម្ភារៈពាក់ព័ន្ធអាវុធនុយក្លេអ៊ែរ

បានផុស

នៅ

មេដឹកនាំកូរ៉េខាងជើងលោក គីម ជុងអ៊ុន កាលពីថ្ងៃចន្ទបានចុះត្រួតពិនិត្យកម្មវិធីអាវុធនុយក្លេអ៊ែររបស់ប្រទេស និងបានចេញបញ្ជាឲ្យបង្កើនការផលិតសម្ភារៈពាក់ព័ន្ធនឹងអាវុធនុយក្លេអ៊ែរផងដែរ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រព័ន្ធផ្សព្វផ្សាយរដ្ឋរបស់កូរ៉េខាងជើងបានរាយការណ៍ថា លោក គីម បានប្រាប់មន្ត្រីនៅវិទ្យាស្ថានអាវុធនុយក្លេអ៊ែរឲ្យបង្កើនការផលិត ក៏ដូចជាអភិវឌ្ឍអាវុធនុយក្លេអ៊ែរយុទ្ធសាស្ត្ររបស់ប្រទេស ជាពិសេសគឺប្រព័ន្ធសម្រាប់គ្រប់គ្រងឃ្លាំងអាវុធនុយក្លេអ៊ែរតែម្ដង ។

ការចុះទៅត្រួតពិនិត្យកម្មវិធីនុយក្លេអ៊ែររបស់លោក គីម បានកើតឡើងតែមួយថ្ងៃប៉ុណ្ណោះ បន្ទាប់ពីកូរ៉េខាងជើងបានបាញ់មីស៊ីលផ្លោងយុទ្ធសាស្ត្រនៅក្នុងសមយុទ្ធមួយកាលពីថ្ងៃចន្ទ ។

ប្រព័ន្ធផ្សព្វផ្សាយបានរាយការណ៍ថា ប្រទេសកូរ៉េខាងជើងបានបាញ់មីស៊ីលផ្លោងយុទ្ធសាស្ត្រចំនួន ២ គ្រាប់ចេញពីទីក្រុងព្យុងយ៉ាងឆ្ពោះទៅកាន់កោះមួយនៅភាគឦសានរបស់ប្រទេស ដែលជាការព្រមានថ្មីមួយទៀតទៅកាន់អាមេរិក និងកូរ៉េខាងត្បូង ។

គួរបញ្ជាក់ថា ការបាញ់មីស៊ីលព្រមានជាហូរហែរបស់កូរ៉េខាងជើងបានកើតឡើង ដោយសារតែអាមេរិក និងកូរ៉េខាងត្បូងរៀបចំសមយុទ្ធយោធារួមគ្នានៅក្នុងឧបទ្វីបកូរ៉េ ដែលទីក្រុងព្យុងយ៉ាងចាត់ទុកថា វាហាក់ដូចជាការប្រកាសសង្គ្រាមជាមួយកូរ៉េខាងជើង ៕

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ ប្រធានាធិបតី អ៊ីស្រាអែល ចេញមុខឲ្យរដ្ឋាភិបាលគិតពីប្រយោជន៍រួមរបស់ ប្រជាជន

Helistar Cambodia - Helicopter Charter Services
Sokimex Investment Group
ព័ត៌មានជាតិ៤ នាទីutes មុន

ឯកឧត្តម ហ៊ុន ម៉ានី៖ ការជួបជុំគ្នារបស់ពលរដ្ឋកម្ពុជា គឺដើម្បីចងចាំថា ទាំងអស់គ្នាគឺជាផ្នែកមួយនៃខឿនការពារជាតិ

ព័ត៌មានជាតិ១៧ នាទីutes មុន

ក្រុមការងាររាជរដ្ឋាភិបាលចុះមូលដ្ឋានស្រុកកំពង់សៀមប្រគេនទៀនព្រះវស្សា និងទេយ្យទាន ព្រះសង្ឃគង់នៅវត្តហាន់ជ័យ

សន្តិសុខសង្គម២៥ នាទីutes មុន

នគរបាលខណ្ឌពោធិ៍សែនជ័យ មិនទាន់បង្ក្រាបក្រុមក្មេងទំនើងបង្ហោះម៉ូតូក្នុងភូមិទួលពង្រ ខណៈកំពុងអុកឡុកស្ទើររាល់យប់

ព័ត៌មានអន្ដរជាតិ៣៨ នាទីutes មុន

ថៃ អះអាងរកឃើញមីនថ្មីរាប់រយគ្រាប់ក្នុងដីខ្លួន, តើនរណាចូលទៅដាក់ ឬថៃដាក់ខ្លួនឯងរួចចោទកម្ពុជា?

ព័ត៌មានជាតិ៣៩ នាទីutes មុន

អ្នកនាំពាក្យក្រសួងការពារជាតិកម្ពុជា ច្រានចោលការចោទប្រកាន់របស់ថៃ ជុំវិញទានហានថៃដើរជាន់មីននៅឯព្រំដែន

Sokha Hotels

ព័ត៌មានពេញនិយម