ព័ត៌មានជាតិ

បុរសម្នាក់ លួចនាំពលករខ្មែរ១១នាក់ និងក្នេងម្នាក់ឆ្លងដែនទៅថៃ ត្រូវកម្លាំងការពារឃាត់ខ្លួន

បានផុស

៥ years មុន

នៅ

ថ្ងៃអង្គារ ១៩ មករា ២០២១

ដោយ

យុវជនម្នាក់ត្រូវនគរបាលជំនាញ ការិយាល័យ ប្រឆាំងការជួញដូរមនុស្ស និងការពារអនីតិជនឃាត់ខ្លួន ជាប់ចោទអំពីបទល្មើសជួញដូរមនុស្ស នៅរសៀលថ្ងៃទី១៨ ខែមករា ឆ្នាំ២០២១។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកវរសេនីយ៍ឯក ជា ស្លូញ អធិការនគរបាលស្រុកស្វាយចេក បានឲ្យដឹងថា ជនសង្ស័យមាន ឈ្មោះ ប៉ិក ដូត ភេទប្រុស អាយុ៣៦ឆ្នាំ រស់នៅភូមិចំការគ ឃុំស្វាយចេក ស្រុកស្វាយចេក ខេត្តបន្ទាយមានជ័យ។ លោកបានបញ្ជាក់ឲ្យដឹងបន្តទៀតថា យុវជននេះ ត្រូវបានកម្លាំងយោធាការពារព្រំដែនគោកវរសេនាតូចលេខ៥០៣ល្បាត ប្រទះឃើញកំពុងជូនពលករខ្មែរ ប្រុស ស្រីចំនួន១១នាក់ ក្នុងនោះក្មេងតូចអាយុ៣ខែ១នាក់លួចឆ្លងដែន នៅចំណុចចម្ការស្វាយ បានធ្វើការចាប់ឃាត់ខ្លួននៅវេលាម៉ោង១០យប់ ហើយបានបញ្ជូនមកកាន់អធិការដ្ឋាននគរបាលស្រុកស្វាយចេក ដើម្បីសាកសួរ ចំណែកពលករប្រុស ស្រីទាំង១១នាក់ ក្នុងនោះក្មេងប្រុសតូច១នាក់ផងនោះ បាននាំទៅមណ្ឌលធ្វើចត្តាឡីស័ក នៅមណ្ឌលសំចតឃុំអូរបីជាន់ ស្រុកអូរជ្រៅ ខេត្តបន្ទាយមានជ័យរួចរាល់អស់ហើយ។

លោកវរសេនីយ៍ទោ ឡាយ គឹមលួន នាយការិយាល័យ នគរបាលប្រឆាំង ការជួញដូរមនុស្ស និងការពារអនីតិជន បានឲ្យដឹងថា នៅចំពោះមុខសមត្ថកិច្ចជនសង្ស័យឈ្មោះ ប៉ិក ដូត បានសារភាពថាខ្លួននិងបក្សពួកគេ២នាក់ទៀត ឈ្មោះ ឡុំ ភេទប្រុសនិង ឈ្មោះថា ភេទប្រុស ពិតជាបានធ្វើសកម្មភាពនាំមនុស្សចំនួនទាំង១១នាក់ ក្មេងប្រុសតូច១នាក់ ជូនឆ្លងដែនទៅធ្វើការនៅប្រទេសថៃនោះពិតប្រាកដមែន ដោយយកកម្រៃជូនឆ្លងដែនក្នុងម្នាក់១០០បាត ពេលពួកខ្លួននាំពលករដើរទៅដល់ចំណុចតំបន់ស្វាយសនៃព្រំដែន ត្រូវបានកម្លាំងយោធាខ្មែរ។ លោក ឡាយគឹមលួន បានបញ្ជាក់ឲ្យដឹងទៀតថា អនុវត្តតាមបទបញ្ជាលោកឧត្តមសេនីយ៍ទោសិទ្ធិ ឡោះ ស្នងការនគរបាលខេត្តនិង ចម្លើយសារភាពរបស់ជនសង្ស័យ ត្រូវបានកម្លាំងជំនាញខេត្ត បានរៀបចំសំណុំរឿងបញ្ជូនខ្លួនទៅសាលាដំបូងខេត្ត ដើម្បីចាត់ការតាមនីតិវិធីច្បាប់ហើយដែរ៕

អត្ថបទ៖ វ៉ាន់ ណាង

សូមចុចអាន៖ ពលករខ្មែរជាង៥ពាន់នាក់ ត្រូវអាជ្ញាធរខេត្តបន្ទាយមានជ័យ បញ្ជូនឲ្យវិលត្រឡប់ទៅស្រុកកំណើតវិញ

Related Topics:ពលករខ្មែរ

សេចក្ដីជូនដំណឹង៥ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា