សាយ បង្ហោះសារអន់ចិត្ត ដែលយុវជនសម័យថ្មី ខ្វល់រឿងគ្រួសារគេច្រើនជាងរឿងជាតិ

លោកអ្នកប្រាកដជាបានស្គាល់ហើយ តារាចម្រៀង អ៊ួន បឋម ហៅ សាយ ដែលជាយុវជនម្នាក់មានបេះដូងមនុស្សធម៌ ចូលចិត្តធ្វើការងារសង្គមនោះ គឺថ្មីៗនេះ​ បានបង្ហោះសារអន់​ចិត្តនឹងយុវជនសម័យថ្មីមួយចំនួន ដែលខ្វល់រឿងគ្រួសារគេច្រើនជាងរឿងសង្គមជាតិ។

តាមរយ:ទំព័រហ្វេសប៊ុករបស់ខ្លួន សាយ បានសរសេររៀបរាប់ដួច្នេះថា៖«ខ្ញុំមិនអន់ចិត្តទេ នៅពេលមិនសូវមានអ្នកខ្វល់ពីកម្មវិធីរបស់ពួកខ្ញុំ តែខ្ញុំអន់ចិត្តនៅពេលយុវជនសម័យថ្មី ខ្វល់តែពីរឿងគ្រួសារគេ និងជម្លោះបុគ្គល ច្រើនជាងរឿងជាតិ»។ ជាមួយគ្នានេះ លោកក៏បានចែករំលែកខ្លឹមសារនេះនៅលើគណនីហ្វេសប៊ុកផ្ទាល់ខ្លួនរបស់លោក​ ដោយបានបញ្ជាក់បន្ថែមថា៖ «យុវជនជាសសរទ្រូងជាតិ អនាគតរបស់ប្រទេសជាតិនាថ្ងៃខាងមុខ គឺរំពឹងលើយុវជន យុវជនមានគំនិតបែបណាអនាគតរបស់ប្រទេសមួយ គឺនឹងទៅបែបនោះហើយ»។

សូមបញ្ជាក់ថា​ សាយ គឺជាសិល្ប:ករមួយរូបដែលតែងតែលះបង់ ពេលវេលា កម្លាំងកាយចិត្ត រិះរកវីធីគ្រប់បែបយ៉ាង ក្នុងការធ្វើកិច្ចការងារមនុស្សធម៌ ដើម្បីស្វែងរកថវិកាជួយដល់កុមារកម្ពុជា៕