ជីវិតកម្សាន្ដ

រតនៈ ពិសី ចាប់ផ្ដើមបញ្ចេញមុខកូនបំណុល ផ្អើលបណ្ដាញសង្គម ខណៈម្នាក់ៗ ជំពាក់រាប់សិបម៉ឺនដុល្លារ

បានផុស

៣ years មុន

នៅ

ថ្ងៃពុធ ៥ កក្កដា ២០២៣

ដោយ

តារាចម្រៀងសិចស៊ី រតនៈ ពិសី កន្លងមក ធ្លាប់បានបញ្ជាក់ឲ្យដឹងថា រឿងដែលថ្មីសម្រាប់នាងនាដើមឆ្នាំ ២០២៣ គឺ ចាត់វិធានការក្ដៅប្ដឹងទៅលើអ្នកជំពាក់លុយអត់សងចូលគុកទាំងអស់។ នាងថា កុំឃើញខ្លាដេក ថាខ្លាងាប់ ធ្វើទាំងអស់ មិនទុកទេ ម្ដងមួយៗ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រាកដណាស់ពាក់ព័ន្ធរឿងបំណុលរាប់សិបម៉ឺនដុល្លារដែលត្រូវគេជំពាក់នេះដែរ តារាស្រី រតនៈ ពិសី បានចាត់ទុកថាខ្លួនជាជនរងគ្រោះ ព្រោះត្រូវប្រឈមមុខចេញសងជំនួសគេ (សងជំនួសកូនបំណុល)។

យ៉ាងណាមិញទំនងដោយសារការអស់ភាពអត់ធ្មត់ ស្រីស្អាត រតនៈ ពិសី ថ្មីៗនេះ បានចាប់ផ្ដើមទម្លាយមុខកូនបំណុលរបស់ខ្លួនជាបន្តបន្ទាប់ ដោយក្នុងនោះមានទាំងអ្នកសិល្បៈទៀតផង។

ជាមួយគ្នា នៃការបង្ហាញមុខកូនបំណុលនេះដែរ កញ្ញា រតនៈ ពិសី បានរម្លឹកដល់អ្នកលក់អនឡាញល្បីឈ្មោះ អឿន ម៉ូលីកា ដែលបច្ចុប្បន្នកំពុងជាប់ទោសនៅពន្ធនាគារដូច្នេះថា «គ្រាន់តែ Mo Lika ម្នាក់ ខ្ញុំអស់ជាង ១៨៤ ៥២០ ដុល្លារ តើអ្នកណាជួយខ្ញុំបានពេលនេះ? ខ្ញុំត្រូវសងគេដែរ»។ ចំណែកក្រៅពីនេះ ក៏ត្រូវបាន ពិសី បញ្ចេញអត្តសញ្ញាណជាបន្តបន្ទាប់ផងដែរ។

ជុំវិញរឿងនេះដែរ កម្ពុជាថ្មី នៅថ្ងៃទី ០៥ ខែកក្កដា ឆ្នាំ ២០២៣ នេះ មិនទាន់អាចទាក់ទងដើម្បីសូមការបកស្រាយបន្ថែមពីកញ្ញា រតនៈ ពិសី បាននៅឡើយទេ។

សូមជម្រាបដែរថា រតនៈ ពិសី កន្លងមក តែងបង្ហើបពីបញ្ហាជួបរឿងពិបាកចិត្ត ព្រោះកូនតុងទីនបោកលើសេចក្ដីទុកចិត្ត ដោយជំពាក់លុយរាប់សិបម៉ឺនដុល្លារមិនព្រមសង។ ម្យ៉ាងទៀតជារឿយៗ នាងបានព្រមានប្រើវិធានការផ្លូវច្បាប់ ដើម្បីដោះស្រាយចំពោះបុគ្គលទាំងនោះ៕

អត្ថបទ ៖ ចាន់រ៉ា

Related Topics:តារាខ្មែរ រតនៈ ពិសី

សេចក្ដីជូនដំណឹង៥ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា