ព័ត៌មានអន្ដរជាតិ

ម៉ោង ៥ ល្ងាចនេះ នឹងដឹងថា លោក Pita ក្លាយជានាយករដ្ឋមន្ត្រីរបស់ ថៃ ឬអត់ហើយ

បានផុស

១០ ខែ មុន

នៅ

ថ្ងៃព្រហស្បតិ៍ ១៣ កក្កដា ២០២៣

ដោយ

ខណៈនេះសម័យប្រជុំរួមរវាងរដ្ឋសភា និងព្រឹទ្ធសភាថៃកំពុងដំណើរការដើម្បីពិភាក្សាលើការតែងតាំងលោក Pita Limjaroenrat ឲ្យធ្វើជានាយករដ្ឋមន្ត្រីឬយ៉ាងណា ខណៈការបោះឆ្នោតជ្រើសតាំងរំពឹងថានឹងចាប់ផ្ដើមនៅម៉ោង ៥ ល្ងាចថ្ងៃព្រហស្បតិ៍នេះ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Pita គឺជាបេក្ខជនតែមួយគត់ដែលត្រូវបានតែងតាំងកាលពីថ្ងៃព្រហស្បតិ៍ ដើម្បីដាក់ឲ្យសមាជិកសភាបោះឆ្នោតធ្វើជានាយករដ្ឋមន្ត្រីទី ៣០ របស់ថៃ ប៉ុន្តែបេក្ខភាពរបស់លោក Pita ក៏ប្រឈមនឹងបញ្ហានៃការចោទប្រកាន់របស់តុលាការផងដែរ ។

ពាក់ព័ន្ធបញ្ហានេះដែរ ប្រសិនបើលោក Pita មិនត្រូវបានបោះឆ្នោតដោយសភាឲ្យធ្វើជានាយករដ្ឋមន្ត្រីនៅពេលនេះទេនោះ ការបោះឆ្នោតជុំបន្ទាប់ដែលគ្រោងធ្វើនៅថ្ងៃទី១៩ ខែកក្កដា អាចនឹងមានបេក្ខជននាយករដ្ឋមន្ត្រីមួយរូបទៀត ។

គួរបញ្ជាក់ថា គណបក្សចលនាឆ្ពោះទៅមុខបានឈ្នះការបោះឆ្នោតនៅថ្ងៃទី១៤ ខែឧសភាជាមួយនឹងអាសនៈ ១៥១ ខណៈបច្ចុប្បន្នសម្ព័ន្ធដែលដឹកនាំដោយបក្សមួយនេះ មានការគាំទ្រពីសមាជិកសភាចំនួន ៣១២ រូប រួមទាំងសមាជិកមកពីបក្សភឿថៃ និងក្រុមចម្រុះចំនួន ៦ ផ្សេងទៀត ប៉ុន្តែចំនួននេះមិនទាន់គ្រប់គ្រាន់នៅឡើយទេសម្រាប់តំណែងនាយករដ្ឋមន្ត្រី ពោលក្រុមចម្រុះត្រូវការសំឡេងចំនួន ៣៧៦ ៕

ប្រែសម្រួលដោយ ៖ ជីវ័ន្ត

ប្រភព ៖ Bangkok Post

ចុចអាន ៖ លោក ថាក់ស៊ីន ពន្យារពេលចូលស្រុក រហូតដល់ស្ថានការណ៍នយោបាយ ថៃ ស្ងប់ស្ងាត់សិន