ព័ត៌មានអន្ដរជាតិ
ឆេះកប៉ាល់ដឹករថយន្តជិត ៣០០០គ្រឿង នៅសមុទ្រហូឡង់
អគ្គិភ័យលើកប៉ាល់ដឹកទំនិញដែលផ្ទុករថយន្តជិត ៣,០០០ គ្រឿង នៅសមុទ្រហូឡង់ បានសម្លាប់មនុស្សម្នាក់ និងជាច្រើននាក់ទៀតរងរបួស ខណៈឆ្មាំសមុទ្រព្រមានថា ភ្លើងអាចបន្តឆាបឆេះរយៈពេលច្រើនថ្ងៃទៀត។
អគ្គិភ័យបានចាប់ផ្តើមកាលពីយប់ថ្ងៃអង្គារទី២៥ខែកក្កដា លើកប៉ាល់ Fremantle Highway ប្រវែង១៩៩ម៉ែត្រដែលចុះបញ្ជីនៅប៉ាណាម៉ា ។ ហេតុការណ៍នេះបានកើតឡើង នៅពេលដែលកប៉ាល់ធ្វើដំណើរពីប្រទេសអាល្លឺម៉ង់ ទៅអេហ្ស៊ីប ហើយសមាជិកនាវិកជាច្រើននាក់ ត្រូវបង្ខំចិត្តលោតចុះពីកប៉ាល់ ដើម្បីគេចពីភ្លើងឆេះ។
ភ្លាមៗនោះ ម្ចាស់កប៉ាល់បានដាក់ការសង្ស័យថា រថយន្តអគ្គិសនីដែលមានប្រហែល២៥គ្រឿងនៅលើនោះ អាចជាដើមចម បណ្តាលឲ្យអគ្គិភ័យកើតឡើង។
នៅក្នុងសេចក្តីថ្លែងការណ៍មួយ ក្រុមហ៊ុន Shoei Kisen Kaisha Ltd និយាយថា “ឥឡូវនេះយើងកំពុងព្យាយាមពន្លត់ភ្លើង ដោយសហការជាមួយអាជ្ញាធរមូលដ្ឋាននៃប្រទេសហូឡង់ ទូកសង្គ្រោះ និងក្រុមហ៊ុនគ្រប់គ្រងកប៉ាល់”។
ស្របពេលជាមួយគ្នានោះ កាសែត De Telegraaf បានចុះផ្សាយថា ប្រសិនបើអគ្គិភ័យនៅលើកប៉ាល់ Fremantle Highway មិនត្រូវបានពន្លត់ទាន់ពេលទេនោះ កប៉ាល់នឹងលិច ហើយក្លាយជាគ្រោះមហន្តរាយធំបំផុត សម្រាប់អ្នកបញ្ជាទិញទំនិញ។
គួរបញ្ជាក់ថា អគ្គិភ័យនេះ គឺជាហេតុការណ៍ចុងក្រោយមួយទៀតដែលកើតឡើងលើកប៉ាល់ដឹករថយន្ត។ កាលពីដើមខែនេះ អ្នកពន្លត់អគ្គិភ័យនៅរដ្ឋ New Jersey ២នាក់បានស្លាប់ និង ៥នាក់ទៀតរងរបួស ខណៈព្យាយាមពន្លត់ភ្លើងនៅលើកប៉ាល់ ដែលដឹកយានយន្តរាប់រយគ្រឿង ហើយអគ្គិភ័យមួយទៀត បានបំផ្លាញរថយន្តស៊េរីទំនើបៗរាប់ពាន់គ្រឿងនៅលើកប៉ាល់ ក្នុងសមុទ្រជិតកោះ Azores របស់ប្រទេសព័រទុយហ្គាល់ កាលពីខែកុម្ភៈឆ្នាំមុន៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ Guardian
ចុចអាន៖ កប៉ាល់ដឹកកុងតឺន័រមួយគ្រឿង ជាប់កឿង ស្ទះចរាចរណ៍ពេញព្រែកជីក ស៊ុយអែស
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ