ជីវិតកម្សាន្ដ

កុល ដាវី និងស្វាមី ប្រកាសដាច់ខាតមិនទទួលផ្សាយល្បែងស៊ីសង ទោះតម្លៃខ្ពស់ក៏ដោយ

បានផុស

២ years មុន

នៅ

ថ្ងៃសុក្រ ១១ សីហា ២០២៣

ដោយ

តារាចម្រៀងប្រុស-ស្រីរបស់ខ្មែរពីររូបទៀតហើយបានចេញមកប្រកាសរក្សាជំហរដាច់ខាតមិនទទួលផ្សព្វផ្សាយពាណិជ្ជកម្មល្បែងស៊ីសង ទោះបីក្នុងតម្លៃខ្ពស់បែបណាក៏ដោយ។ នេះបើតាមការបញ្ជាក់របស់តារាចម្រៀងអ្នកនាង កុល ដាវី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គេកត់សម្គាល់ថា ការប្រកាសឆន្ទៈរបស់តារាចម្រៀងអ្នកនាង កុល ដាវី នេះ បានធ្វើឡើងស្របពេលដែលថ្មីៗនេះ តារារៀមច្បងពហុជំនាញអ្នកនាង ខាត់ សុឃីម ចេញមកប្រកាសយ៉ាងដាច់ណាត់ពាក់ព័ន្ធការមិនទទួលផ្សព្វផ្សាយនូវពាណិជ្ជកម្មល្បែងស៊ីសង។ ការប្រកាសនេះទទួលបានការសរសើរ និងគាំទ្រភ្លូកទឹកភ្លូកដីពីមហាជនគ្រប់មជ្ឈដ្ឋាន។

ឆន្ទៈរបស់តារាចម្រៀងអ្នកនាង កុល ដាវី បានបញ្ជាក់ថា «ដូចគ្នាណាស់បង ប្ដីប្រពន្ធពួកខ្ញុំ ក៏មិនទទួលផ្សព្វផ្សាយដែរ ឲ្យតែទាក់ទងនឹងល្បែងស៊ីសងមានគេទាក់ទងមកអញ្ចឹងដែរ លុយក៏ចង់បានដែរ តែបើបានហើយបែរជាបំផ្លាញបងប្អូនប្រជាពលរដ្ឋខ្មែរខ្លួនឯង គឺដាច់ខាតមិនទទួលទេ ទោះបានតម្លៃថ្លៃខ្ពស់ប៉ុណ្ណាក៏ដោយ»។

តាមរយៈទង្វើរបស់អ្នកនាង កុល ដាវី និងស្វាមីលោក សុខ រក្សា ខាងលើនេះ កំពុងទទួលបានការគាំទ្រ និងសរសើរពីសំណាក់មហាជន ដែលជាគំរូដ៏ល្អសម្រាប់សង្គមជាតិ។ ជាមួយនោះ បើតាមការកត់សម្គាល់នៅលើបណ្ដាញសង្គមមួយរយៈចុងក្រោយនេះ គេឃើញមានការរីកដុះដាលច្រើននូវប្រភេទល្បែង Game online ៕

អត្ថបទ ៖ ចាន់រ៉ា