ព័ត៌មានជាតិ
និយ័តករអាជីវកម្មអចលនវត្ថុ ព្រមានក្រុមហ៊ុន ជា សារ៉ន បញ្ឈប់សកម្មភាពគម្រោងជាបន្ទាន់
និយ័តករអាជីវកម្មអចលនវត្ថុ និងបញ្ចាំ (ន.អ.ប.) បានរកឃើញថា ក្រុមហ៊ុន ជា សារ៉ន រៀលធី ឯ.ក ដែលមានទីតាំង គម្រោងអភិវឌ្ឍដីឡូត៍នៅភូមិ ត្រពាំងគល់ សង្កាត់កន្ទោក ខណ្ឌកំបូល រាជធានីភ្នំពេញ គឺជាគម្រោងអភិវឌ្ឍដីឡូត៍ ដែល គ្មានអាជ្ញាបណ្ណអភិវឌ្ឍអាជីវកម្មដីឡូត៍ពី ន.អ.ប. ដោយសកម្មភាពនេះត្រូវបានចាត់ទុកថា ជាការប្រកបអាជីវកម្ម ខុសច្បាប់ ដែលតម្រូវឱ្យ បញ្ឈប់សកម្មភាពគម្រោងខាងលើទាំងស្រុងជាបន្ទាន់។ នេះបើតាមប្រកាសរបស់និយ័តករ អាជីវកម្មអចលនវត្ថុ និងបញ្ចាំ នៅថ្ងៃទី ១៧ វិច្ឆិកា។
បើតាមនិយ័តករអាជីវកម្មអចលនវត្ថុ និងបញ្ចាំ (ន.អ.ប.) តាមបទប្បញ្ញត្តិគតិយុត្តជាធរមាន “រាល់ការប្រកបអាជីវកម្ម អភិវឌ្ឍដីឡូត៍នៅក្នុងព្រះរាជាណាចក្រកម្ពុជា គឺតម្រូវឱ្យមានអាជ្ញាបណ្ណអាជីវកម្មអភិវឌ្ឍដីឡូត៍ពី ន.អ.ប.” ។
យោងតាមប្រកាសនេះ បានបញ្ជាក់ថា សាធារណជនដែលបានទិញ ឬមានបំណងទិញដីឡូត៍ពីក្រុមហ៊ុន ខាងលើត្រូវ មានការប្រុងប្រយ័ត្នខ្ពស់ ចំពោះហានិភ័យនានា ដែលអាចកើតមានឡើងបណ្ដាលមកពីការអភិវឌ្ឍដីឡូត៍ មិនស្របតាម លក្ខខណ្ឌដែលកំណត់ដោយច្បាប់ និងលិខិតបទដ្ឋានគតិយុត្តជាធរមាន។
សូមរំលឹកថា កាលពីថ្ងៃទី ២២ ខែមេសា ឆ្នាំ ២០២៣ នគរបាលបានឃាត់ខ្លួនលោក ជា សារ៉ន និងបក្ខពួក ៨ នាក់ផ្សេងទៀត បន្ទាប់ពីប្រជាពលរដ្ឋជាង ២០០០ គ្រួសារ បានតវ៉ាពីរឿងចាញ់បោកការវិនិយោគរបស់ក្រុមហ៊ុន ជា សារ៉ន សរុបជាទឹកប្រាក់ជិត ៤០ លានដុល្លារ។
លោក ជា សារ៉ន និងបក្ខពួក ត្រូវបានស្នងការនគរបាលខេត្តកំពតឃាត់ខ្លួន ក្រោយមានប្រជាពលរដ្ឋរងគ្រោះចំនួន ២ ៤៦១ គ្រួសារ ដែលមកពីខេត្តផ្សេងៗគ្នា ប្តឹងទៅអភិបាលខេត្តកំពត ដោយអះអាងថា បានចាញ់បោកក្នុងការវិនិយោគជាមួយក្រុមហ៊ុន ជា សារ៉ន គិតជាទឹកប្រាក់សរុប៤០ លានដុល្លារ៕
-
ព័ត៌មានជាតិ៦ ថ្ងៃ agoពិធី “រៀបមង្គលការលេង” មួយគូ នៅវត្តបឹងត្រាវ ប្រមូលថវិកាសាងសង់វត្ត អបអរបុណ្យចូលឆ្នាំខ្មែរ
-
ព័ត៌មានជាតិ៤ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានជាតិ៦ ថ្ងៃ agoកម្ពុជារឹតបន្តឹង និងទប់ស្កាត់សំណល់អេឡិចត្រូនិក ខណៈអាស៊ីអាគ្នេយ៍កំពុងក្លាយជាគោលដៅថ្មី
-
ព័ត៌មានអន្ដរជាតិ២ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានជាតិ១ សប្តាហ៍ ago៣ ថ្ងៃចូលឆ្នាំថ្មី ខេត្តក្រចេះទទួលទេសចរមកកម្សាន្តប្រមាណ ៦៩ ៩៦២ នាក់ ខណៈព្រែកកាំពីជាគោលដៅទាក់ទាញបំផុត
-
ព័ត៌មានជាតិ៦ ថ្ងៃ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
ព័ត៌មានអន្ដរជាតិ១ សប្តាហ៍ agoវិនិយោគិនបរទេសដកខ្លួនពីទីផ្សារថៃ ខណៈវិបត្តិថាមពលគំរាមកំហែងសេដ្ឋកិច្ច
-
សន្តិសុខសង្គម៦ ម៉ោង agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ