ព័ត៌មានអន្ដរជាតិ
អាមេរិក-កូរ៉េខាងត្បូង ធ្វើសមយុទ្ធបាញ់គ្រាប់ពិត នៅកៀកព្រំដែន កូរ៉េខាងជើង
កូរ៉េខាងត្បូងនិងសម្ព័ន្ធមិត្តរបស់ខ្លួនគឺសហរដ្ឋអាមេរិក បានធ្វើសមយុទ្ធបាញ់គ្រាប់ពិតនៅកៀកព្រំដែនប្រទេសកូរ៉េខាងជើង ដែលនេះជាអ្វីត្រូវបានគេមើលឃើញថា នឹងបញ្ឆេះស្ថានការណ៍ឲ្យក្តៅគគុកឈានដល់មួយកម្រិតទៀត។
តាមការបញ្ជាក់ពីទីក្រុងសេអ៊ូលកាលពីថ្ងៃព្រហស្បតិ៍ទី៤ខែមករា, កងទ័ពមកពីកូរ៉េខាងត្បូងនិងសហរដ្ឋអាមេរិក កំពុងធ្វើសមយុទ្ធសង្គ្រាមរយៈពេលមួយសប្តាហ៍ ជាមួយនឹងការបាញ់អាវុធធុនធ្ងន់ ហើយសមយុទ្ធនេះ គឺធ្វើឡើង ដើម្បីបង្កើនការត្រៀមខ្លួនខាងយោធារបស់សម្ព័ន្ធមិត្ត ស្របពេលប្រឈមមុខនឹងការគំរាមកំហែងកាន់តែខ្លាំងពីកូរ៉េខាងជើង។
ទោះបីជាយ៉ាងណាក៏ដោយ ទីក្រុងព្យុងយ៉ាង ចាត់ទុកកិច្ចសហការយោធាចុងក្រោយរវាងទីក្រុងវ៉ាស៊ីនតោននិងសេអ៊ូលថាជា “សមយុទ្ធសង្រ្គាមដែលមិនគិតអំពីផលលំបាក”។
តាមពិតទៅ សមយុទ្ធដែលចូលរួមពីកងពលតូចថ្មើរជើងកងទ័ពកូរ៉េខាងត្បូង និងក្រុមប្រយុទ្ធកងពល Stryker របស់សហរដ្ឋអាមេរិកមួយនេះ គឺចាប់ផ្តើមតាំងពីថ្ងៃទី២៩ខែធ្នូឆ្នាំ២០២៣មកម្ល៉េះ នៅក្នុងទីក្រុងព្រំដែន Pocheon ប៉ុន្តែវាបន្តរហូតមកដល់ចុងសប្តាហ៍នេះ។
មួយឆ្នាំកន្លងមក ទីក្រុងវ៉ាស៊ីនតោននិងសេអ៊ូល ហាក់ដូចសម្រុកធ្វើសមយុទ្ធយោធារួមគ្នាមិនដកដៃសោះនៅក្នុងតំបន់ ខណៈភាពតានតឹងឡើងកម្តៅខ្លាំងលើឧបទ្វីបកូរ៉េ បន្ទាប់ពីទីក្រុងព្យុងយ៉ាង សាកល្បងអាវុធជាបន្តបន្ទាប់។
កូរ៉េខាងជើងបានបាញ់សាកល្បងមីស៊ីលឆ្លងទ្វីបដ៏ទំនើប (ICBM) កាលពីឆ្នាំមុន ហើយនោះជាមីស៊ីលដែលទីក្រុងព្យុងយ៉ាងអួតថា មានសមត្ថភាពវាយប្រហារគោលដៅនៅដីគោកអាមេរិក ក៏ដូចជាសត្រូវក្នុងតំបន់ផងដែរ។
មិនត្រឹមប៉ុណ្ណឹង កាលពីឆ្នាំមុន កូរ៉េខាងជើងក៏បាញ់បង្ហោះផ្កាយរណបចារកម្មដោយជោគជ័យផងដែរ ជាហេតុបណ្តាលឲ្យមានការផ្អាកកិច្ចព្រមព្រៀងយោធា ដែលបានចុះហត្ថលេខាជាមួយកូរ៉េខាងត្បូងក្នុងឆ្នាំ២០១៨។
ឆ្លើយតបទៅនឹងការសាកល្បងអាវុធរបស់កូរ៉េខាងជើង ទីក្រុងវ៉ាស៊ីនតោន បានបញ្ជូននាវាមុជទឹកដើរដោយថាមពលនុយក្លេអ៊ែរ ទៅចតនៅទីក្រុងកំពង់ផែ Busan របស់កូរ៉េខាងត្បូងកាលពីខែមុន ហើយអាមេរិក ក៏ដាក់ពង្រាយនាវាផ្ទុកយន្តហោះ និងយន្តហោះទម្លាក់គ្រាប់បែកធុនធំនៅក្នុងតំបន់ផងដែរ៕
ប្រែសម្រួល៖ Vann Vann
ប្រភព៖ RT
ចុចអាន៖ អាមេរិក ជប៉ុននិងកូរ៉េខាងត្បូង ធ្វើសមយុទ្ធរួមគ្នាជាលើកដំបូង
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង