Connect with us

ព័ត៌មានអន្ដរជាតិ

អាមេរិក ជប៉ុននិងកូរ៉េខាងត្បូង ធ្វើសមយុទ្ធរួមគ្នាជាលើកដំបូង

បានផុស

នៅ

យោធាទីក្រុងសេអ៊ូល បានប្រកាសកាលពីថ្ងៃអាទិត្យទី២២ខែតុលាថា សហរដ្ឋអាមេរិក កូរ៉េខាងត្បូង និងជប៉ុន បានធ្វើសមយុទ្ធដែនអាកាសរួមគ្នាជាលើកដំបូងមិនធ្លាប់មាន។

(រូបថត៖ Yonhap)
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សមយុទ្ធនេះ ធ្វើឡើងនៅឧបទ្វីបកូរ៉េ ហើយមានគោលបំណងពង្រឹងសមត្ថភាពរបស់ប្រទេសទាំងបី ក្នុងការទប់ទល់នឹងការគំរាមកំហែងនុយក្លេអ៊ែរ និងមីស៊ីលរបស់ប្រទេសកូរ៉េខាងជើង។

សមយុទ្ធនេះ មានការចូលរួមពីសំណាក់យន្តហោះទម្លាក់គ្រាប់បែកយុទ្ធសាស្ត្រ B-52 Stratofortress របស់សហរដ្ឋអាមេរិក ក៏ដូចជាយន្តហោះចម្បាំងកូរ៉េខាងត្បូង និងជប៉ុនផងដែរ។

សមយុទ្ធត្រីភាគីនេះធ្វើឡើង ស្របពេលទីក្រុងព្យុងយ៉ាង បានថ្កោលទោសការដាក់ពង្រាយយន្តហោះទម្លាក់គ្រាប់បែក ដែលមានសមត្ថភាពនុយក្លេអ៊ែររបស់អាមេរិកនៅកូរ៉េខាងត្បូង។ កូរ៉េខាងជើងព្រមានថា យន្តហោះនេះនឹងក្លាយគោលដៅមុនគេ សម្រាប់ការកម្ទេច ប្រសិនបើជម្លោះពេញលេញ កើតឡើងនៅឧបទ្វីបកូរ៉េមែន។

(រូបថត៖ Anadolu)

ទោះបីជាយ៉ាងណាក៏ដោយ សហរដ្ឋអាមេរិកអះអាងថា ការដាក់ពង្រាយយន្តហោះដែលមានសមត្ថភាពនុយក្លេអ៊ែរនេះ គឺត្រូវបានធ្វើឡើងដើម្បីបង្ហាញពីការប្តេជ្ញាចិត្តរបស់ទីក្រុងវ៉ាស៊ីនតោន ចំពោះស្ថិរភាពនិងសន្តិសុខនៃតំបន់ឥណ្ឌូប៉ាស៊ីហ្វិក ក៏ដូចជាការពង្រឹងទំនាក់ទំនងជាមួយសម្ព័ន្ធមិត្តក្នុងតំបន់របស់ខ្លួន។

ត្រលប់ទៅខែសីហា ប្រធានាធិបតីអាមេរិកលោក Joe Biden បានជួបជាមួយប្រធានាធិបតីកូរ៉េខាងត្បូង Yoon Suk Yeol និងនាយករដ្ឋមន្ត្រីជប៉ុន Fumio Kishida នៅ Camp David។

ក្នុងអំឡុងកិច្ចប្រជុំនោះ លោក Biden បានសន្យាថា នឹងពង្រឹងទំនាក់ទំនងយោធារវាងប្រទេសទាំងបី ខណៈមេដឹកនាំទាំងបីបានស្តីបន្ទោសទីក្រុងព្យុងយ៉ាង ហើយថ្កោលទោសចំពោះអាកប្បកិរិយាដ៏គ្រោះថ្នាក់ និងឈ្លានពានរបស់ប្រទេសចិននៅក្នុងតំបន់។ ប្រទេសទាំងបី ក៏បានប្តេជ្ញាចិត្ត ធ្វើសមយុទ្ធហ្វឹកហ្វឺនរួមគ្នាផ្នែកយោធាជារៀងរាល់ឆ្នាំ និងបង្កើតយន្តការសម្រាប់ការចែករំលែកទិន្នន័យពេលវេលាជាក់ស្តែងស្តីពីការបាញ់មីស៊ីលរបស់កូរ៉េខាងជើងនៅចុងឆ្នាំនេះផងដែរ៕

ប្រែសម្រួល៖ Vann Vann

ប្រភព៖ RT

ចុចអាន៖ សមយុទ្ធ អាមេរិក-ជប៉ុន នៅជិតព្រំដែន រុស្ស៊ី កំពុងគំរាមកំហែងសន្តិសុខ ក្រុងមូស្គូ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៣០ នាទី មុន

ការថតវីដេអូ Pre-Wedding នៅតាមប្រាង្គប្រាសាទ​កើន​ជិត ៤ ពាន់វីដេអូ

ព័ត៌មានជាតិ៣៧ នាទី មុន

មន្រ្តីក្រសួង​សាធារណការ​ចុះ​ប្រមូលព័ត៌មាន​​​​ទីតាំង​​​​សាងសង់​ផ្លូវល្បឿនលឿនភ្នំពេញ-សៀមរាប

ព័ត៌មានជាតិ១ ម៉ោង មុន

នាយទាហានកម្ពុជា៨រូប បានការពារសារណាបញ្ចប់ការសិក្សាដោយជោគជ័យ នៅប្រទេសចិន

ព័ត៌មានជាតិ២ ម៉ោង មុន

ជប៉ុន ប្រគល់គ្រឿងឥស្សរិយយសជូនលោក ពិត ចំណាន ដែលបានលើកកម្ពស់ទំនាក់ទំនងកម្ពុជា-ជប៉ុន លើវិស័យអប់រំ

ព័ត៌មានជាតិ៣ ម៉ោង មុន

រដ្ឋមន្ត្រីការងារ ជំរុញសមាគមពាណិជ្ជកម្មកម្ពុជា-ជប៉ុន ចូលរួមប្រកួតកម្មវិធីសហគ្រាសមួយជា សហគមន៍សុខសាន្តមួយ

ជីវិតកម្សាន្ដ៥ ថ្ងៃ មុន

លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស​ សុំឲ្យគ្រប់គ្នាអហោសិកម្ម

ចរាចរណ៍៧ ថ្ងៃ មុន

ករណី​បុករះ​ស្លាប់​៤នាក់​នៅ​ស្ពាន​អាកាស​ឫស្សី​កែវ​ មាន​ម្នាក់​ជា​និស្សិត​ពូកែ​ជំនាញ​ស្ថាបត្យកម្ម និង​នគរូបនីយវិទ្យា

ព័ត៌មានអន្ដរជាតិ៥ ថ្ងៃ មុន

យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន

ចរាចរណ៍២ ថ្ងៃ មុន

ឆ្នាំ២០២៣ ខេត្តកំពង់ចាម មានអ្នកស្លាប់ព្រោះគ្រោះថ្នាក់ចរាចរណ៍ជាង១រយនាក់ និងរបួសជាង២រយនាក់

ព័ត៌មានជាតិ៤ ថ្ងៃ មុន

មន្រ្តី​ក្រសួង​បកស្រាយវីដេអូរថភ្លើង​បើក​​​លើ​​ផ្លូវជាតិ ពលរដ្ឋ​សង្ស័យបើក​ខុស​បច្ចេកទេស

Sokha Hotels

ព័ត៌មានពេញនិយម