ជីវិតកម្សាន្ដ

តារាសម្ដែងភេទទី ៣ ម្នាក់ បង្ហាញការហួសចិត្តលើរឿងបំពុលសង្គម

បានផុស

២ years មុន

នៅ

ថ្ងៃចន្ទ ៨ មករា ២០២៤

ដោយ

តារាសម្តែងភេទទី ៣ គន់ រៀមរតនៈ ហៅ ចែ រ៉ូហ្សា ដែលទស្សនិកជនភាគច្រើនស្គាល់តាមរយៈការសម្តែងភាពយន្តខ្មែរជាច្រើន បានចេញមុខលើកឡើងទាំងហួសចិត្តជុំវិញរឿងរ៉ាវបំពុលសង្គមបច្ចុប្បន្នពីសំណាក់បុគ្គលមួយចំនួន ខណៈគេយល់ថា ទង្វើនេះដើម្បីផលប្រយោជន៍បុគ្គលទាំងនោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តារាភេទទី ៣ មានដើមកំណើតពីទឹកដីខេត្តព្រៃវែង គន់ រៀមរតនៈ បច្ចុប្បន្នក្រៅពីអាជីពសិល្បៈ លោកក៏មានមុខរបរផ្ទាល់ខ្លួនលក់ ហូល ផាមួងខ្មែរ នៅលើអនឡាញផងដែរ។ ចំពោះការលក់ផលិតផលខ្មែរនេះ មួយផ្នែកដើម្បីរកកម្រៃផ្ទាល់ខ្លួន រីឯមួយផ្នែកទៀត ជាការផ្សព្វផ្សាយនូវសម្លៀកបំពាក់ប្រពៃណីបុរាណខ្មែរ ហើយក៏ជាការចូលរួមថែរក្សាវប្បធម៌ខ្មែរមួយនេះដែរ។

ដោយឡែករឿងចាប់អារម្មណ៍ថ្មីៗ នេះ តារាសម្តែងរូបនេះ បានទម្លាយទាំងហួសចិត្តពាក់ព័ន្ធនឹងរឿងបំពុលសង្គមដែលកំពុងកើតឡើង។ ក្នុងនោះ រតនៈ បាននិយាយថា តាមការកត់សម្គាល់ សព្វថ្ងៃបើរឿងបំពុលសង្គម គឺភាគច្រើនមានអ្នកតាមដានច្រើនជាងរឿងដែលល្អៗ ឬ ការផ្សព្វផ្សាយនូវរបស់វប្បធម៌ជាតិ។

គន់ រៀមរតនៈ បានបោះសម្តីដូច្នេះថា «ឯងឡាយលក់ដូរហូលផាមួងខ្មែរត្រឹមត្រូវនេះ ខំនិយាយចង់លៀនភ្នែក វាល្បីមិនបានមួយចំណិតពួកឡាយរឿង…..រឿង ..និងរឿងបាតសង្គម រឿងបំពុលសង្គមមួយចំនួនអស់ហ្នឹងផង ដល់អ៊ីចឹង ចង់ឈប់ឡាយលក់ហូលផាមួងខ្មែរហើយ….»។

សូមបញ្ជាក់ថា គន់ រៀមរតនៈ គឺជាអ្នកសិល្បៈមួយរូបដែលភាគច្រើនសម្តែងជាតួអង្គភេទទី ៣ ក្នុងខ្សែភាពយន្តនានា ក៏ដូចជារឿងភាគចាក់បញ្ចាំងតាមស្ថានីយទូរទស្សន៍ជាដើម…។ បច្ចុប្បន្ន ក្រៅពីអាជីពសិល្បៈ លោកក៏មានមុខជំនួញលក់សំពត់ហូលខ្មែរយ៉ាងប្រណិតទៀតផង៕

អត្ថបទ ៖ ចាន់រ៉ា