ព័ត៌មានជាតិ

ទីស្ដីការគណៈរដ្ឋមន្ត្រីប្រកាសជ្រើសរើសមន្ត្រីក្របខ័ណ្ឌថ្មីចំនួន២២នាក់សម្រាប់ឆ្នាំ២០២១

បានផុស

៥ years មុន

នៅ

ថ្ងៃអង្គារ ១៦ កុម្ភៈ ២០២១

ដោយ

ទីស្តីការគណៈរដ្ឋមន្ត្រីសូមជូនដំណឹងដល់និស្សិតនិងមន្ត្រីរាជការទាំងពីរភេទឲ្យបានជ្រាបថា សម្រាប់ឆ្នាំ២០២១នេះ ទីស្ដីការគណៈរដ្ឋមន្ត្រីនឹងប្រឡងជ្រើសរើសមន្ត្រីក្របខ័ណ្ឌថ្មី ក្របខ័ណ្ឌ កចំនួន២២នាក់ ក្នុងនោះផ្នែកនីតិសាស្ត្រនិងរដ្ឋបាលសាធារណៈចំនួន១៧នាក់ និងផ្នែកព័ត៌មានវិទ្យាចំនួន៥នាក់ ដើម្បីបម្រើការងារក្នុងក្របខ័ណ្ឌទីស្តីការគណៈរដ្ឋមន្ត្រី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកបណ្ឌិត សភាចារ្យ ហ៊ីង ថូរ៉ាស៊ី រដ្ឋលេខាធិការប្រចាំការនៃទីស្តីការគណៈរដ្ឋមន្ត្រីនិងជាប្រធានគណៈកម្មការប្រឡង បានឲ្យដឹងក្នុងសេចក្តីជូនដំណឹងចុះថ្ងៃទី១៥កម្ភៈថា ការប្រឡងជ្រើសរើសបេក្ខជនឲ្យចូលបម្រើការងារក្នុងក្របខ័ណ្ឌទីស្ដីការគណៈរដ្ឋមន្ត្រីសម្រាប់ឆ្នាំ២០២១នេះបេក្ខជនត្រូវមានសញ្ជាតិខ្មែរនិងមានសញ្ញាប័ត្របរិញ្ញាបត្រឡើងទៅត្រូវមានអាយុត្រឹម៣៥ឆ្នាំ ចំពោះបេក្ខជនដែលមានសញ្ញាប័ត្របរិញ្ញាបត្រ។ ត្រូវមានអាយុត្រឹម៤០ឆ្នាំចំពោះបេក្ខជនដែលមានសញ្ញាប័ត្រជាន់ខ្ពស់។

លោកបណ្ឌិតសាភាចារ្យបានបន្តថាចំពោះមន្ត្រីរាជការនិងបេក្ខជនដែលមានសញ្ញាប័ត្របណ្ឌិតត្រូវបានលើកលែងលក្ខខណ្ឌអាយុហើយចំពោះមន្ត្រីរាជការត្រូវមានការយល់ព្រមឲ្យផ្ទេរក្របខ័ណ្ឌពីប្រធានស្ថាប័ន។

លោកបណ្ឌិតសាភាចារ្យបានបន្តទៀតថា ចំពោះវិញ្ញាសាប្រឡងរួមមានវិញ្ញាសាទូទៅវិញ្ញាសាភាសាអង់គ្លេសនិងវិញ្ញាសាជំនាញ។

បេក្ខជនត្រូវបំពេញក្នុងលិខិតនិងដាក់ពាក្យសុំចុះឈ្មោះប្រឡងនៅនាយកដ្ឋានបុគ្គលិកនៃទីស្តីការគណៈរដ្ឋមន្ត្រីចាប់ពីថ្ងៃជូនដំណឹងនេះតទៅ រហូតដល់ថ្ងៃទី១៦ខែមីនា ឆ្នាំ២០២១។ បេក្ខជនដែលបានដាក់ពាក្យសុំចុះឈ្មោះប្រឡងកាលពីឆ្នាំ២០២០ត្រូវបានទទួលស្គាល់ជាបេក្ខជនសម្រាប់ការប្រឡងឆ្នាំ២០២១ដោយមិនតម្រូវឲ្យដាក់ពាក្យទេ ប៉ុន្តែបេក្ខជនត្រូវទៅនាយកដ្ឋានបុគ្គលិកនៃទីស្តីការគណៈរដ្ឋមន្ត្រីតាមការបរិច្ឆេទ។ ចំពោះបេក្ខជនជាជនពិការនិងស្ត្រីដែលមានសមត្ថភាពសមស្របត្រូវបានផ្ដល់អទិភាព៕

អត្ថបទ ៖ សំអឿន

Related Topics:ទីស្ដីការគណៈរដ្ឋមន្ត្រី

សេចក្ដីជូនដំណឹង៥ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា