ព័ត៌មានអន្ដរជាតិ
រុស្ស៊ី លួចដឹកប្រេងទៅកូរ៉េខាងជើង លើសពីការកំណត់របស់ UN
រុស្ស៊ី កំពុងលួចដឹកប្រេងចម្រាញ់រួចទៅឲ្យកូរ៉េខាងជើង នៅក្នុងកម្រិតមួយ ដែលលើសពីការកំណត់នៅក្នុងទណ្ឌកម្មរបស់ក្រុមប្រឹក្សាសន្តិសុខអង្គការសហប្រជាជាតិ (UN)។ នេះបើយោងតាមសេចក្ដីប្រកាសរបស់សេតវិមានអាមេរិក កាលពីថ្ងៃទី២ ខែឧសភា។
UN បានកំណត់ការដឹកប្រេងអន្តរជាតិទៅកូរ៉េខាងជើង បានត្រឹមចំនួន ៥០ម៉ឺនប៉ារ៉ែលប៉ុណ្ណោះ ក្នុង១ឆ្នាំ ដែលនេះគឺជាការដាក់ទណ្ឌកម្មរយៈពេលវែង ដើម្បីទប់ស្កាត់កម្មវិធីនុយក្លេអ៊ែរនៅក្រុងព្យុងយ៉ាង។
អ្នកនាំពាក្យសន្តិសុខជាតិនៅសេតវិមាន បានបញ្ជាក់ថា គ្រាន់តែខែមីនា ឆ្នាំ២០២៤នេះ រុស្ស៊ីបានដឹកប្រេងចម្រាញ់រួចច្រើនជាង ១៦ម៉ឺនប៉ារ៉ែលចូលក្នុងកូរ៉េខាងជើង។ លោក John Kirby បានបន្តទៀតថា ដោយសារកំពង់ផែពាណិជ្ជកម្មរុស្ស៊ី-កូរ៉េខាងជើងនៅកៀកគ្នាខ្លាំង ទើបរុស្ស៊ីអាចលួចបញ្ជូនប្រេងទៅសម្ព័ន្ធមិត្តរបស់ខ្លួន ដោយគ្មានដែនកំណត់បាន។
សហរដ្ឋអាមេរិក បានអះអាងថា ខ្លួននឹងបន្តដាក់ទណ្ឌកម្មថ្មីថែមទៀតចំពោះអ្នកដែលជាប់ពាក់ព័ន្ធការលួចដឹកប្រេង និងជួញដូរសព្វាវុធរវាងប្រទេសទាំង២។ សម្រាប់ទណ្ឌកម្មនេះ អាមេរិករំពឹងថា នឹងមានកិច្ចសហការជាមួយបណ្ដាប្រទេសជាច្រើនទៀតដូចជា អូស្ត្រាលី សហភាពអឺរ៉ុប ជប៉ុន នូវែលសេឡង់ កូរ៉េខាងត្បូង និងចក្រភពអង់គ្លេស។
សហរដ្ឋអាមេរិក បានឲ្យដឹងថា រុស្ស៊ីកំពុងតែប្រឹងបង្កើនភាពជិតស្និទ្ធជាមួយកូរ៉េខាងជើង ព្រមទាំងអ៊ីរ៉ង់ ក្នុងគោលបំណងធ្វើការជួញដូរសព្វាវុធ ដើម្បីយកទៅប្រើក្នុងសង្គ្រាមដែលកំពុងផ្ទុះឡើងជាមួយអ៊ុយក្រែន។ កាលពីដើមឆ្នាំ កូរ៉េខាងជើង បានឲ្យមីស៊ីលប៉ាលិស្ទិកជាច្រើនគ្រាប់ទៅរុស្ស៊ី សម្រាប់វាយប្រហារអ៊ុយក្រែន។ បន្ថែមពីនេះ កាលពីខែតុលា ឆ្នាំមុន រុស្ស៊ីក៏ទទួលបានសម្ភារៈយោធា និងសព្វាវុធជាង ១ពាន់កុងតឺន័រពីកូរ៉េខាងជើងផងដែរ។
មន្ត្រីភ្នាក់ងារសម្ងាត់អាមេរិក ជឿថា សម្រាប់ការផ្គត់ផ្គង់យោធាឲ្យរុស្ស៊ី កូរ៉េខាងជើងក៏មានបំណងចង់បានត្រឡប់មកវិញនូវការគាំទ្រយោធាផងដែរ ដែលមានដូចជា យន្តហោះចម្បាំង មីស៊ីលបាញ់ទៅអាកាស រថពាសដែក សម្ភារៈផលិតមីស៊ីលប៉ាលិស្ទិក និងបច្ចេកវិទ្យាទំនើបៗផ្សេងទៀត៕
ដោយ៖ ឈាង
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ
កសិករចិញ្ចឹមគោបាយជិត ៣០០ក្បាល ផ្ដាំកសិករផ្សេងឱ្យងាកមកចិញ្ចឹមគោប្រភេទនេះ ព្រោះងាយស្រួលចិញ្ចឹម
១៧ ខេត្តក្នុងចំណោម ២៥ រាជធានីខេត្ត បញ្ចប់ចុះតាមដានការអនុវត្តយានយន្តកែច្នៃខុសលក្ខណៈបច្ចេកទេស
អ៊ីស្រាអែលសម្លាប់មនុស្សជិត ៩០០នាក់ ចាប់តាំងពីលែងអនុវត្តបទឈប់បាញ់នៅតំបន់ហ្គាហ្សា
វេទិកា JASTIP របស់ជប៉ុននឹងជួយកម្ពស់វិស័យវិទ្យាសាស្ត្រ បច្ចេកវិទ្យា និងនវានុវត្តន៍នៅកម្ពុជា
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
ការខូចខាតបឋម ព្រោះគ្រោះរញ្ជួយដីដ៏ខ្លាំងក្លាដែលវាយប្រហារអាស៊ីអាគ្នេយ៍
នាយករដ្ឋមន្ត្រីថៃ ដាក់ចេញបទបញ្ជាបន្ទាន់ដើម្បីគ្រប់គ្រង់គ្រោះរញ្ជួយដី
របាយការណ៍ចុងក្រោយបំផុតអំពីការបំផ្លិចបំផ្លាញ និងរងគ្រោះ ព្រោះការរញ្ជួយដីនៅអាស៊ីអាគ្នេយ៍
-
ព័ត៌មានអន្ដរជាតិ២០ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ១ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?
-
សន្តិសុខសង្គម១៩ ម៉ោង agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ